მადრიდის “ატლეტიკოს” კაპიტანმა, დიეგო გოდინმა დღეს დაადასტურა, რომ სეზონის დასრულების შემდეგ ის კლუბს დატოვებს.
33 წლის ურუგვაელმა ფეხბურთელმა დღეს პრესკონფერენცია გამართა. კლუბის დატოვებაზე საუბრისას მან ცრემლები ვერ შეიკავა.
“დიდი მადლობა ყველას. მინდოდა, პირადად მეთქვა, რომ მადრიდის “ატლეტიკოში” ბოლო დღეებს ვატარებ. ეს ჩემი სახლია, “ატლეტიკო” მხოლოდ კლუბი არ არის. ეს ცხოვრების გზაა. ერთი წლის წინ “მანჩესტერ იუნაიტედის” წინადადებაზე უარი ვთქვი და “ატლეტიკოში” დავრჩი. ახლა, ერთი წლის შემდეგ, დროა, წავიდე”, – განაცხადა გოდინმა პრესკონფერენციაზე.
ურუგვაელი მცველი “ატლეტიკოს” ფეხბურთელი 2010 წელს გახდა. მადრიდულ კლუბთან ერთად მან ლა ლიგა, ესპანეთის თასი, ევროპის ლიგა (ორჯერ) და უეფას სუპერთასი (სამჯერ) მოიგო.
დიდი ალბათობით, დიეგო გოდინი მომდევნო სეზონში “ინტერის” რიგებში ითამაშებს.
Diego Godin breaks down in his press conference: “A cyclus is over, the most beautiful one of my life and my career. And nothing else. I’m proud to be part of this amazing club and I’m thankful for everyone here. It’s not a club, it’s my family, my home, my way of life.” pic.twitter.com/xSSDjA2cg0
— AFC Ajax 💫 (@TheEuropeanLad) May 7, 2019
