4 ივნისს, ახალციხის ცენტრალურ საფეხბურთო სტადიონზე მესხეთის საფეხბურთო ფესტივალი გაიხსნა. პროექტი ბავშვთა და ახალგაზრდობის განვითარების ფონდის პირველი საგრანტო კონკურსის ფარგლებში ხორციელდება.
თამაშების დაწყებამდე მოეწყო კულტურული ღონისძიებები – მუსიკალური და ქორეოგრაფიული ნომრები, სახალისო ვიქტორინები და გათამაშებები მაყურებლებისთვის.
გახსნის დღეს ღონისძიებას ესწრებოდნენ სპორტისა და ახალგაზრდობის საქმეთა მინისტრი ლევან ყიფიანი, ბავშვთა და ახალგაზრდობის განვითარების ფონდის დირექტორის მოადგილე მურმან პატარაია, ადგილობრივი ხელისუფლების წარმომადგენლები, სხვა მოწვეული, საპატიო სტუმრები და ჩემპიონატის 5 000 -მდე გულშემატკივარი.
ჩემპიონატში მონაწილეობენ როგორც რეგიონული გუნდები – სამცხე-ჯავახეთის, კახეთის, სამეგრელოს, მცხეთა-მთიანეთის , იმერეთის და სხვა რეგიონებიდან , ისე აზერბაიჯანისა და სომხეთის ახალგაზრდული გუნდები. სულ 16 ახალგაზრდული გუნდი.
საფეხბურთო ფესტივალი 8 ივნისამდე გაგრძელდება და საზეიმოდ რაბათის ციხეში სხვადასხვა კულტურული ღონისძიებებით დასრულდება.
http://msy.gov.ge/
