„ინტერის“ პრეზიდენტი ერიკ ტოხირი თავისი გუნდის წარმატებას იმედოვნებს.
„ნაპოლისთან“ მნიშვნელოვან შეხვედრას ველით. მეტოქე ჩვენ მხოლოდ ორი ქულით ჩამოგვრჩება.
მსურს, რომ „ინტერი“ სატურნირო ცხრილის ზევით დარჩეს. ასე რომ, სანამ გუნდი ინდონეზიაში არ ჩავა, არაფერი მკითხოთ“, – განაცხადა „ნერაძურის“ ხელმძღვანელმა.
„ინტერის“ მფლობელმა ერიკ ტოხირმა „მანჩესტერ სიტის“ ნახევარმცველის იაია ტურესადმი ინტერესი დაადასტურა.
„ჩვენ ტურე მოგვწონს და დარწმუნებულნი ვართ, რომ მანჩნის თავკაცობით ის ბევრს მიაღწევს. მას „სიტისთან“ კონტრაქტი აკავშირებს, თუმცა ფეხბურთში ყველაფერია შესაძლებელი.
იკარდის მომავლის შესახებ:
„ჩვენ მას არ გავყიდით. ის გუნდის ერთ-ერთი მნიშვნელოვანი ფეხბურთელია. ფინანსების საკითხი ხშირად პრობლემებს ქმნის, თიმცა მაუროს ეს არ ეხება. მასთან ახალი კონტრაქტის თაობაზე შეთანხმებას ვცდილობთ. „ინტერისთვის“ ამ ფეხბურთელის დატოვება მნივნელოვანი ნაბიჯი იქნება“, – განაცხადა ტაილანდელმა ბიზნესმენმა.
ერიკ ტოხირს „ინტერის“ ყველა დავალიანების დაფარვა სურს. „Football Italia“-ს ცნობით, ინდონეზიელი ბიზნესმენი მილანურ კლუბში 200 მილიონი ევროს ჩადებას გეგმავს.
აღნიშნული თანხით ტოხირი „ნერაძურის“ წინა პრეზიდენტის მასიმო მორატის ვალების დაფარვას აპირებს. ამის წყალობით კი აზიელ მილიარდერს კლუბის მაჟორიტარული აქციონერის სტატუსით ოფიციალურად დაადასტურებენ.
გარდა ამისა, აღნიშნული თანხა გუნდის გაძლიერებასაც მოხმარდება. დიდი ალბათობით, მოახლოებულ სეზონში „ინტერი“ ჩემპიონთა ლიგაზე გასასვლელად იბრძოლებს.
ალექსანდრე მატევოსოვი
