ჭდე: გიორგი აბურჯანია

“ხიმნასტიკი” 2:1 “სევილია ბ” – კაკაბაძე სასტარტოში, აბურჯანია განაცხადს მიღმა

Posted on by ცოტნე შაორშაძე

დღეს ლა ლიგა 2-ში მე-18 ტურის შეხვედრაში “ხიმნასტიკმა” “სევილია ბ-ს” უმაპინძლა და დაძაბულ ბრძოლაში 2-1 დაამარცხა მეტოქე.

მასპინძლეთა სასტარტო შემადგენლობაში იყო საქართველოს ნაკრების მარჯვენა მცველი ოთარ კაკაბაძე, რომელმაც სრული მატჩი ჩაატარა და ორივე გუნდის რიგებში ერთ-ერთი საუკეთესო იყო. რაც შეეხება “სევილიას” რიგებში მოთამაშე გიორგი აბურჯანიას, ის დღეს განაცხადს მიღმა აღმოჩნდა, ჯერჯერობით უცნობია, თუ რა გახდა ამის მიზეზი. რაც შეეხება უშუალოდ მატჩს, “ხიმნასტიკი” მე-11 წუთზე მიკელის გოლით დაწინაურდა, რასაც 37-ზე მოლინას გოლი მოჰყვა. სტუმრებმა ანგარიშის შემცირება 76-ე წუთზე შეძლეს, თავი ფერნანდესმა გამოიჩინა. საბოლოოდ “ხიმნასტიკმა” 2:1 დაამარცხა მეტოქე.

ამ გამრჯვების შემდეგ, კაკაბაძის გუნდი მე-15 პოზიციაზეა, ხოლო “სევილია ბ-ს” 13 ქულა აქვს და 21-ე ადგილს იკავებს.

გიორგი აბურჯანია სეგუნდა დივიზიონის საუკეთესო ლეგიონერია?

Posted on by იაკობ კაპანაძე

ლა ლიგის მესვეურთა მიერ ორგანიზებულ ყოველწლიურ დაჯილდოებაში მონაწილეობა შესაძლოა ქართველმა ფეხბურთელმა, გიორგი აბურჯანიამაც მიიღოს, რომელიც გასულ სეზონში ესპანურ “ხიმნასტიკში” გამოიდოდა.

საქმე იმაშია, რომ ლა ლიგის ოფიციალურ ვებ-გვერდზე ტარდება გამოკითხვა, რომლის მიზანიც 2015/16 წლების სეზონის საუკეთესო ლეგიონერის არჩევაა. კანდიდატთა შორის კი ჩვენი თანამემამულე, გიორგი აბურჯანიაცაა.

ქართველი ფეხბურთელების კონკურენტები გახლავთ: შიმანოვსკი (“ლეგანესი”), დაისუკე სუზუკი (“ნასტიკი”), რაზაკ ბრიმაჰი (“კორდობა”), დარვინ მაჩისი, მამადუ კონე, ლაგო ჟუინიორი და დანი ჰერნანდესი.

გიორგი აბურჯანიასთვის ხმის მისაცემად გადადით ამ ლინკზე – გამოკითხვა

ოფიციალურად: გიორგი აბურჯანია “სევილიას” რიგებში ჩაირიცხა

Posted on by იაკობ კაპანაძე

ესპანური “სევილიას” ოფიციალური ვებ-გვერდი ადასტურებს ინფორმაციას, რომლის თანახმადაც, საქართველოს ეროვნული ნაკრების ფეხბურთელი და ქართული ფეხბურთის ერთ-ერთი ყველაზე კაშკაშა ვარსკვლავი, გიორგი აბურჯანია კარიერას “სევილიას” რიგებში გააგრძელებს.

“დალაქთა” ოფიციალური საიტის ცნობით, თავდაპირველად 21 წლის ნახევარმცველს “სევილია ატლეტიკოს” (მეორე გუნდი) რიგებში მოუწევს საკუთარი ძალების გამოცდა. აბურჯანიამ ესპანურ გრანდთან 4-წლიან კონტრაქტს მოაწერა ხელი.

შეგახსენებთ, რომ ქართველი ფეხბურთელი “სევილიაში” “ხიმნასტიკიდან” გადავიდა, სადაც მან 16 მატჩის ჩატარება და ორი გოლის გატანა მოასწრო. მანამდე კი ის კვიპროსული “ანართოსისის” რიგებს იცავდა.

ლეგიონი: აბურჯანიამ და კაკაბაძემ “ხიმნასტიკის” მაისურით ითამაშეს

Posted on by იაკობ კაპანაძე

30 ივლისს ჩვენებურების “ხიმნასტიკმა” კიდევ ერთი ამხანაგური შეხვედრა გამართა. “ნასტიკის” მეტოქე ამჯერად ესპანური “სარაგოსა” იყო. სამწუხაროდ, მოედანზე შეკრებილმა გულშემატკივარმა გოლი ვერ იხილა – მატჩი ფრედ, 0-0 დასრულდა.

რაც შეეხება ჩვენს ლეგიონერებს, კაკაბაძე და აბურჯანია მატჩში 55-ე წუთზე ჩაერთნენ. ოთარ კაკაბაძემ მოედანზე შემოსვლიდან 10 წუთის შემდეგ ყვითელი ბარათი მიიღო.

Manchester-United-534100

მატჩის დაწყებამდე კი “ხიმნასტიკმა” გუნდი მაყურებლებს წარუდგინა. ახალი ფორმატის მიხედვით, ესპანური გუნდის ფეხბურთელები გულშემატკივრებს გაესაუბრნენ და სამახსოვრო ფოტოებიც გადაიღეს:

გიორგი აბურჯანია გულშემატკივრებთან ერთად

Manchester-United-534100

ოთარ კაკაბაძ გულშემატკივრებთან ერთად

Manchester-United-534100

აბურჯანიას “ხიმნასტიკმა” ლა ლიგაში გადასვლის შანსი ხელიდან გაუშვა

Posted on by იაკობ კაპანაძე

ესპანური “ხიმნასტიკი”, რომელშიც ქართველი ფეხბურთელი, გიორგი აბურჯანია მონაწილეობს ასევე ესპანურ “ოსასუნასთან” ორმატჩიან დაპირისპირებაში დამარცხდა.

როგორც იცით, საქმე ლა ლიგაში გადასვლის საგზურს ეხებოდა, რასთანაც ქართველი ფეხბურთელი საკმაოდ ახლოს იყო.

“ოსასუნამ” “ხიმნასტიკი” პირველ მატჩში საკმაოდ მარტივად, 3-1 დაამარცხა. თუმცა შანსი მაინც იყო. მეორე მატჩში ანგარიში “ნასტიკმა” მალევე გახსნა – მე-7 წუთზე ნარანხომ მასპინძლები დააწინაურა, თუმცა შემდეგ სტუმრებმა წონასწორობის აღდგენა და წინ გასვლა მოახერხეს.

საბოლოო ჯამში პლეი-ოფის ფინალში “ოსასუნა” გავიდა (6-3), რომელსაც “ჟირონასთან” ან “კორდობასთან” მოუწევს ურთიერთობის გარკვევა.

ქართველ ფეხბურთელს აღნიშნული ორრაუნდიანი დაპირისპირების არცერთ მატჩში არ მიუღია მონაწილეობა.

აბურჯანიას “ხიმნასტიკმა” ლა ლიგისკენ კიდევ ერთი ნაბიჯი გადადგა

Posted on by იაკობ კაპანაძე

ესპანეთის რიგით მეორე დივიზიონის მე-40 ტური “ხიმნასტიკისთვის” ძალზედ დაძაბული და წარმატებული აღმოჩნდა. “ნასტიკი”, რომელიც ლა ლიგაში მოხვედრისთვის იბრძვის, მის უშუალო მდევარს, “ოსასუნას” დაუპირისპირდა.

მატჩი საკმაოდ დაძაბული აღმოჩნდა, იგრძნობოდა მომენტების ნაკლებობაც. თუმცა, საბოლოოდ მასპინძლებმა მაინც მოახერხეს პირველი და უკანასკნელი გოლის გატანა. თავი ნარანხომ 82-ე წუთზე გამოიჩინა და გუნდს უმნიშვნელოვანესი 3 ქულა მოუტანა.

ჩვენმა თანამემამულემ, გიორგი აბურჯანიამ მოედანზე შეუცვლელად, 90 წუთის მანძილზე ითამაშა და ამ გამარჯვებაში თავისი წვლილიც შეიტანა.

აბურჯანიას “ხიმნასტიკმა” “სარაგოსა” დაამარცხა და ლა ლიგას კიდევ უფრო მიუახლოვდა

Posted on by იაკობ კაპანაძე

ახლახან დასრულდა მატჩი ესპანურ “სარაგოსასა” და “ხიმნასტიკს” შორის, სადაც ქართველი ფეხბურთელი, გიორგი აბურჯანია ასპარეზობს.

როგორც იცით, ესპანეთის რიგით მეორე დონის ჩემპიონატის ცხრილის ზედა ნაწილში დიდი დაძაბულობაა, ამიტომაც ამ მატჩს ორივე გუნდისთვის უდიდესი მნიშვნელობა ჰქონდა.

რაც შეეხება უშუალოდ მატჩს, მთელი მატჩის განმავლობაში უპირატესობა მასპინძელთა მხარეს იყო, თუმცა პირველი და ერთადერთი გოლის გატანა “ხიმნასტიკის” ფეხბურთელმა ნარანხომ მოახერხა, პენალტის მეშვეობით. აღსანიშნავია ისიც, რომ მატჩის მიწურულს “სარაგოსას” ანგარიშის გათანაბრება შეეძლო, თუმცა ლანცაროტემ პენალტი ვერ გამოიყენა.

გიორგი აბურჯანიამ კი მთელი მატჩი შეუცვლელად ითამაშა.

დასს

ამ დროისთვის “ნასტიკი” მესამე ადგილზე იმყოფება 64 ქულით და ერთი ქულით ჩამორჩება “ლეგანესსა” და “ალავესს”. თუმცა, “ალავესს” რეზერვში კიდევ ერთი მატჩი აქვს, რომელსაც დღეს ჩაატარებს.

1-2 ადგილებზე გასული გუნდები პირდაპირ მოიპოვებენ ლა ლიგის 2016-17 წლების საგზურს. მათ უკან მყოფი 4 გუნდი კი პლეი-ოფში გაარკვევენ ურთიერთობებს.

გიორგი აბურჯანია “ელჩეს” ორი ფეხბურთელის წინააღმდეგ (ვიდეო)

Posted on by -

13 თებერვალს, ესპანეთის სეგუნდა დივიზიონში, გიორგი აბურჯანიას “ხიმნასტიკმა” საკუთარ მოედანზე “ელჩე” მიიღო და მეტოქე ანგარიშით 1:0 დაამარცხა.

მატჩის მიმდინარეობისას, საგოლე პასის ავტორმა, გიორგი აბურჯანიამ, ერთ-ერთ ეპიზოდში “ელჩეს” ორი ფეხბურთელი შესანიშნავად მოატყუა.

გიორგი აბურჯანიამ “ელჩესთან” მატჩში ბრწყინვალე საგოლე გადაცემა გააკეთა (ვიდეო)

Posted on by -

13 თებერვალს, ესპანეთის სეგუნდა დივიზიონში, გიორგი აბურჯანიას “ხიმნასტიკმა” საკუთარ მოედანზე “ელჩე” მიიღო.

შეხვედრაში ანგარიში მე-11 წუთზე, მასპინძელთა თავდამსხმელმა, ხოსე ნარანხომ გაიტანა. აღსანიშნავია, რომ ესპანელ თავდამსხმელს საგოლე გადაცემა გიორგი აბურჯანიამ გაუკეთა.

შეგახსენებთ, რომ 21 წლის ნახევარმცველმა საგოლე გადაცემის გაკეთება წინა ტურში, “ჟირონასთან” გამართულ მატჩშიც მოახერხა.

გიორგი აბურჯანიამ “ჟირონასთან” მატჩში საგოლე გადაცემა გააკეთა (ვიდეო)

Posted on by -

7 თებერვალს, ესპანეთის სეგუნდა დივიზიონში, “ჟირონამ” საკუთარ მოედანზე გიორგი აბურჯანიას “ხიმნასტიკი” მიიღო და ფრედ 1:1 ითამაშა.

ქართველმა ფეხბურთელმა მოედანზე 90 წუთი გაატარა და 29-ე წუთზე საგოლე გადაცემის გაკეთებაც მოახერხა.

სეგუნდა დივიზიონში ჩატარებული 24 ტურის შემდეგ, “ხიმნასტიკს” 38 ქულა დაუგროვდა. აბურჯანიას გუნდი ცხრილში მე-6 პოზიციას იკავებს და პირველ ადგილზე მყოფ “დეპორტივო ალავესს” რვა ქულით ჩამორჩება.

მაისურაძე და აბურჯანია აპოელს დაუზავდნენ

Posted on by Levan

კვიპროსის თასის გათამაშების 1/4 ფინალურ შეხვედრაში “ანორთოსისმა” აპოელ-ს უმასპინძა. შეხვედრა გატანილი გოლების გარეშე, 0:0 დასრულდა.

მასპინძელთა შემადგენლობაში ძირითად შემადგენლობაში იყვნენ ორივე ქართველი ფეხბურთელი, გიორგი აბურჯანია და ირკალი მაისურაძეც.

კვიპროსის ჩემპიონატში მე-2 და მე-5 პოზიციებზე მყოფ გუნდებს შორის განმეორებითი სათასო დაპირისპირება 11 მარტს შედგება.

მაისურაძემ და აბურჯანიამ სტუმრად მოიგეს

Posted on by Levan

კვირპროსის ჩემპიონატის მე-16 ტურში “ანორთოსისი” გათამაშების აუტსაიდერ “აია ნაპას” ესტუმრა და დამაჯერებელი გამარჯვება მოიპოვა.

პირველ ტაიმში ფამაგუსტელებმა მინიმალური ანგარიშით მოიგეს, მეორეში კი მეტოქეს კიდევ 4 გოლი გაუტანეს, რასაც მასპპინძლებმა მხოლოდ ერთხელ უპასუხეს.

“ანორთოსისი” შემადგენლობაში 90 წუთი ითამაშე ირაკლი მაისურაძემ, ხოლო გიორგი აბურჯანია მწვრთნელმა 58-ე წუთზე შეცვალა.

16 ტურის შემდეგ “ანორთოსისი” 25 ქულით მე-6 პოზიციაზე იმყოფება.