27 სექტემბერს, კვიპროსის ჩემპიონატში “ანორთოსისმა” საკუთარ მოედანზე “აია ნაპა” მიიღო და მეტოქე ანგარიშით 4:1 დაამარცხა.
“ანორთოსის” ძირითად შემადგენლობაში ორი ქართველი ფეხბურთელი თამაშობდა. თორნიკე მაისურაძემ მოედანზე 56 წუთი დაჰყო, ხოლო გიორგი აბურჯანიამ მატჩი სრულად ჩაატარა და რაც მთავარია, ძალიან ლამაზი გოლი გაიტანა. ახალგაზრდა ნახევარმცველმა 79-ე წუთზე ანგარიში 3:1 გახადა.
ახალგაზრდა ქართველი ფეხბურთელი გიორგი აბურჯანია კარიერას კვიპროსის “ანორთოსისში” განაგრძობს, ინფორმაციას ამის შესახებ Kerkida.net ავრცელებს.
როგორც ირკვევა, “ანორთოსისის” წარმომადგენლები 19 წლის ნახევარმცველს ელიტ-რაუნდში, შვეიცარიისა და კვიპროსის 19-წლამდელთა ნაკრებების წინააღმდეგ გამართულ შეხვედრებში აკვირდებოდნენ, ხოლო აბურჯანიამ მათზე კარგი შთაბეჭდილება დატოვა.
შეგახსენებთ, რომ აბურჯანიამ გასული სეზონის მეორე ნახევარი თბილისი “ლოკომოტივში” გაატარა. იქამდე კი, გორის “დილას” ღირსებას იცავდა. მან გორელთა მაისურით ევროპის ლიგის საკვალიფიკაციო ეტაპზეც ითამაშა.
