სვენ-გორან ერიკსონმა ჟურნალისტებთან საუბრისას ინგლისელი ფანები გააკრიტიკა, უეინ რუნის ღვაწლის დაუფასებლობას გაუსვა ხაზი და “ევერტონის” მოთამასე ლეგენდარულ ფრანჩესკო ტოტის შეადარა.
“ფაქტი, რომ უეინ რუნის ასე ექცევიან, ძალიან ბევრს ამბობს ინგლისელი ფანების დამოკიდებულებაზე. რუნი “მანჩესტერ იუნაიტედის” და ინგლისის ნაკრების რეკორდსმენია გატანილი გოლების მხრივ.
რუნი იტალიელი რომ ყოფილიყო, მას ისევე შეიყვარებდნენ, როგორც “რომას” ფანებს უყვარდათ ფრანჩესკო ტოტი. იტალიაში ტოტის არ აკრიტიკებენ. შესაძლოა, არსებობს კრიტიკის მიზეზი, მაგრამ იქ მას არავინ ეხება.
ინგლისში, რუნისთან მიმართებაში სულ სხვა სიტუაციაა, რაც უნდა გამოსწორდეს,”- აცხადებს ინგლისის ნაკრების ყოფილი თავკაცი.
