“რეალის” ახალწვეულს ხამეს როდრიგესს მადრიდულ კლუბში ყოფილი თანაგუნდელის რადამელ ფალკაოს ხილვა სურს.
“დარწმუნეული ვარ, ფალკაო “რეალში” ათამაშდება. რადამელთან ერთად მითამაშია და შემიძლია ვთქვა, რომ მას გამარჯვებულის მენტალიტეტი აქვს.
იმედი მაქვს, ფალკაო “რეალში” გადმოვა” – განაცხადა როდრიგესმა.
შეგახსენებთ, რომ გავრცელებული ინფორმაციით “რეალი” და “მონაკო” ფალკაოს იჯარაზე აწარმოებენ მოლაპარაკებებს.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორ ცეკვავს ხამეს როდრიგესი თავის შვილთან ერთად.
მადრიდის „რეალის“ კოლუმბიელი ახალწვეული ხამეს როდრიგესი თვლის, რომ ამიერიდან მთელი კოლუმბია „სამეფო კლუბს“ დაუჭერს მხარს. ფეხბურთელის თქმით, კოლუმბიელები ყოველთვის იმ გუნდს ქომაგობდნენ, რომელშიც თავად როდრიგესი თამაშობდა.
„ამიერიდან 45 მილიონი კოლუმბიელი „რეალს“ უქომაგებს. ისინი მადრიდულ კლუბს წარმატებას უსურვებენ. კოლუმბია ყოველთვის მხარს მიჭერდა, მუდამ ვგრძნობდი განსაკუთრებულ გულშემატკივრობას მათი მხრიდან.
მიყვარს გამოწვევები და გამარჯვებები. შესანიშნავ ადგილას ვარ იმისთვის, რომ ტიტულებს დავეუფლო“, – განაცხადა ხამეს როდრიგესმა ერთ-ერთ კოლუმბიური ტელევიზიის ეთერში.
რაც დრო გადის, კლუბები თავიანთი შემადგენლობების გასაძლიერებლად მით უფრო მეტ თანხას ხარჯავენ.
FTBPRO-მ ფეხბურთის ისტორიაში ათი ყველაზე ძვირადღირებული ტრანსფერი დაასახელა.
* თანხები მოცემული ფუნტ სტერლინგის სახით
10. დავიდ ლუისი – 50 მილიონი
“ჩელსიდან” “პარი სენ-ჟერმენში”
9. ფერნანდო ტორესი – 50 მილიონი
“ლივერპულიდან” “ჩელსიში”
8. რადამელ ფალკაო – 51 მილიონი
“ატლეტიკოდან” “მონაკოში”
7. ედინსონ კავანი – 55 მილიონი
“ნაპოლიდან” “პარი სენ-ჟერმენში”
6. კაკა – 56 მილიონი
“მილანიდან” “რეალში”
5. ზლატან იბრაჰიმოვიჩი – 59 მილიონი
“ინტერიდან” “ბარსელონაში”
4. ხამეს როდრიგესი – 63 მილიონი
“მონაკოდან” “რეალში”
3. ლუის სუარესი – 75 მილიონი
“ლივერპულიდან” “ბარსელონაში”
2. კრიშტიანო რონალდუ – 80 მილიონი
“მანჩესტერ იუნაიტედიდან” “რეალში”
1. გარეტ ბეილი – 86 მილიონი
“ტოტენჰემიდან” “რეალში”
მას შემდეგ, რაც ხამეს როდრიგესი ოფიციალურად გამოცხადდა მადრიდის „რეალის“ ფეხბურთელად, მის მაისურებზე მოთხოვნა უმალ გაიზარდა.
„რეალში“ გადასვლიდან პირველ 48 საათში კოლუმბიელი ნახევარმცველის 10-ნომრიანი 345 ათასი მაისური გაიყიდა. ამდენად, საათში საშუალოდ 7 187 ფორმა იყიდება.
ამ გაყიდვების საერთო მოგებამ უკვე 33,4 მილიონი ევრო შეადგინა, რომლის 40 პროცენტი პირდაპირ „სამეფო კლუბის“ ბიუჯეტში შევა.
დაახლოებით 30 ათასი გულშემატკივარი მივიდა გუშინ „სანტიაგო ბერნაბეუზე“, სადაც მადრიდის „რეალმა“ ახალწვეული ხამეს როდრიგესი წარადგინა.
ფეხბურთელის წარდგენას ინციდენტის გარეშე არ ჩაუვლია. მოედანზე ქომაგი შეიჭრა, რომელიც როდრიგესთან ჩახუტებას შეეცადა, თუმცა დაცვამ უმალ განაშორა გულშემატკივარი მოთამაშისგან. კოლუმბიელმა ნახევარმცველმა ქომაგი დაცვის წევრებისგან დაიხსნა და მას სამახსოვროდ ბურთიც აჩუქა.
შეგახსენებთ, რომ ხამეს როდრიგესმა „რეალთან“ ექვსწლიან კონტრაქტს მოაწერა ხელი. ესპანური წყაროების ცნობით, მადრიდულმა კლუბმა ფეხბურთელის სანაცვლოდ 80 მილიონი ევრო გაიღო. კოლუმბიელ ნახევარმცველს ხელფასის სახით წელიწადში 5 მილიონი ევრო მიეცემა. როდრიგესი „რეალში“ 10-ნომრიანი მაისურით ითამაშებს.
მადრიდში, “სანტიაგუ ბერნაბეუზე” “რეალის” ახალწვეულის, ხამეს როდრიგესის წარდგენა გაიმართა. გასული მუნდიალის საუკეთესო ბომბარდირი მადრიდულ კლუბში “მონაკოდან” გადავიდა. 23 წლის ფეხბურთელის კონტრაქტი ექვსწლიანია.
პრეზენტაციაში მონაწილეობა “რეალის” პრეზიდენტმა, ფლორენტინო პერესმა მიიღო. ღონისძიებას ფეხბურთელთან ერთად მისი მეუღლე, დანილა ოსპინა ესწრებოდა.
კოლუმბიელი ნახევარმცველი ხამეს როდრიგესი ოფიციალურად გამოცხადდა მადრიდის „რეალის“ ფეხბურთელად. მხარეებს შორის ექვსწლიანი კონტრაქტი გაფორმდა.
„ოცნება რეალობად იქცა. მოხარული ვარ, რომ მსოფლიოს საუკეთესო კლუბის ნაწილი ვხდები“, – აღნიშნა როდრიგესმა.
ხამეს როდრიგესის წარდგენა დღეს, თბილისის დროით 22:00 საათზე მოეწყობა.
არაოფიციალური ინფორმაციის თანახმად, „რეალმა“ 23 წლის კოლუმბიელი ნახევარმცველის სანაცვლოდ 80 მილიონი ევრო გაიღო, რაც საფრანგეთის ჩემპიონატის ყველა დროის ყველაზე ძვირადღირებული ტრანსფერი გახლავთ.
ურუგვაის ნაკრების კარში კოლუმბიელი ნახევარმველის ხამეს როდრიგესის გოლი მსოფლიო ჩემპიონატის საუკეთესო გოლად დასახელდა, რასაც ფიფა-ს ოფიციალური საიტი ადასტურებს.
გამოკითხვაში ”მონაკოს” თავდამსხმელის გოლს ხმა მილიონზე მეტმა მომხმარებელმა მისცა.
მეორე ადგილზე ჰოლანდიის ნაკრების თავდამსხმელის რობინ ვან პერსის გოლი გავიდა, რომელიც მან ესპანეთის კარში გაიტანა.
აღსანიშნვია, რომ ხამესი მესამე სამხრეთამერიკელი გახდა, რომელმაც ეს პრიზი მიიღო. 2006 წელს სუკეთესო გოლად არგენტინელი მაქსი როდრიგესის გოლი აღირდა, ხოლო 2010 წელს – ურუგველი დიეგო ფორლანის.
ხამეს როდრიგესი ძალიან მალე მადრიდის “რეალის” ფეხბურთელი ოფიციალურად გახდება. თუმცა, იქამდე, მაღაზიებში ხამეს როდრიგესის “რეალის” მაისურები უკვე იყიდება.
კოლუმბიის ნაკრების ნახევარმცველი ხამეს როდრიგესი მარდიდში ჩავიდა. ესპანელი ჟურნალისტების ცნობით რამდენიმე გულშემატკივარმა მას სურათი გადაუღო.
მოსალოდნელია, რომ მუნდიალის ერთ-ერთი გამორჩეული მოთამაშე უახლოეს მომავალში მადრიდის “რეალის” ფეხბურთელი გახდება.
შეგახსენებთ, როდრიგესი “მონაკოში” 2013 წლის ზაფხულში “პორტუდან” 45 მილიონ ევროდ გადავიდა.
როგორც ჩანს, კოლუმბიელ ხამეს როდრიგესს ცეკვა ძალიან უყვარს, რაზეც ინტერნეტ-სივრცეში გავრცელებული მასალებიც მეტყველებს.
