“პორტუს” პრეზიდენტმა ჟორჟი ნუნუ პინტუ და კოშტამ განაცხადა, რომ კლუბის თავდამსხმელი ჯექსონ მარტინესი კარიერას “მილანში” გააგრძელებს. პორტუგალიელები ფეხბურთელის სანაცვლოდ 35 მილიონ ევროს მიიღებენ.
“ჯექსონმა გვაცნობა, რომ კლუბიდან წასვლა სურს. ჩვენ მის სანაცვლოდ 35 მილიონ ევროს ვითხოვთ და ეს თანხა სრულად უნდა დაიფაროს. სულ ახლახან გავიგე, რომ ჯექსონმა “მილანი” აირჩია. ეს მისი სურვილია, თუმცა მე ვთვლი, რომ ეს ადგილი მას არ შეეფერება. ამის მიუხედავად, ჩემთვის მთავარია, ჯექსონი ბედნიერი იყოს”, – ციტირებს და კოშტას სიტყვებს Porto Canal-ი.
