ვებსაიტმა Biletebi.ge-მ, რომლის მეშვეობითაც მსურველებს უეფა-ს სუპერთასზე დასასწრები ბილეთების შეძენა შეუძლიათ, რამდენიმე წუთს წინ თავისი „ფეისბუქის“ გევრდზე პოსტი გამოაქვეყნა, რომელშიც ბილეთების გაყიდვის თარიღი დაასახელა.
„ვაზუსტებთ, ბილეთების გაყიდვის დროს: 23 ივნისი, 13:00“, – წერია პოსტში.
შეგახსენებთ, რომ საიტს ბილეთები ჯერ კიდევ 22 ივნისის დილიდან უნდა გაეყიდა, თუმცა ვებგვერდზე უამრავი პრობლემა შეიქმნა, რის გამოც, მომხმარებლებმა ბილეთების შეძენა ვერ მოახერხეს.
ჯერ-ჯერობით კვლავაც უცნობია, თუ როდის დაიწყება თბილისში გასამართი უეფას სუპერთასის მატჩზე დასასწრები ბილეთების გაყიდვა.
მოგეხსენებათ, დღეს Biletebi.GE-ს ბილეთების გაყიდვა უნდა დაეწყო, თუმცა საიტს პრობლემები შეექმნა.
“მივდივართ ბოლოსკენ. ჩვენი ტექნიკური მხარე გავაძლიერეთ. უახლოეს მომავალში ყველაფერს დავასრულებთ, შემდეგ ინფრომაციას ფეხბურთის ფედერაციას გადავცემთ და მათთან ერთად გამოცხადდება, თუ როდის დაიწყება გაყიდვები.
მომხმარებლების რაოდენობის ზრდას ველოდით, მაგრამ არანორმალურად დიდი დატვირთვა იყო. უეფამ გვითხრა, რომ პირველ დღეს საიტზე ბევრი მომხმარებელი შემოვიდოდა. თუმცა წინა წლების სუპერთასის მატჩებზე დასწრების რაოდენობის მიხედვით, ჩვენც ვვარაუდობდით, რომ თბილისში დიდი მოთხოვნა არ იქნებოდა. როგორც ჩანს, “ბარსელონას” ფაქტორმაც იმოქმედა”, – თქვა Biletebi.GE-ს ტექნიკურმა დირექტორმა, გიორგი ჩხიკვიშვილმა.
მოგეხსენებათ, დღეს დილითან უეფას სუპერთასის მატჩის ბილეთების გაყიდვა უნდა დაწყებულიყო, მაგრამ როგორც აღმოჩნდა biletebi.ge-ს პრობლემები შეექმნა. ამ საკითხთან დაკავშირებით, biletebi.ge-ს ტექნიკურმა დირექტორმა, გიორგი ჩხიკვიშვილმა “იმედის” ეთერში ისაუბრა.
თბილისში გასამართი სუპერთასის ბილეთები უცხოურ ვეგვერდებზე იყიდება.
ერთ-ერთი მათგანი ticketbureau.com-ია, რომელზეც ბილეთების ფასები 125 ევროდან იწყება. მაქსიმალური ღირებულება კი 292 ევროს აღწევს. ამ თანხას ვეგვერდის საკომისიო, 25 ევროც ემატება.
აღნიშნულ ფაქტს სფფ ოფიციალური განცხადებით გამოეხმაურა რომელსაც უცვლელად გთავაზობთ:
საქართველოს ფეხბურთის ფედერაცია გაფრთხილებთ, რომ არ შეიძინოთ არც ერთ სხვა საიტზე ბილეთები გარდა საიტისაwww.biletebi.ge
მიუხედავად იმისა, რომ მომხმარებელთა სიმრავლის გამო აღნიშნული საიტი დროებით დაბლოკილია, გთხოვთ ნუ გახდებით გადამყიდველთა და ცრუ საიტების მსხვერპლი და ნუ შეიძენთ არარსებულ ბილეთებს გაასმაგებულ ფასად.
www.biletebi.ge ინფორმაციით საიტის ადმინისტრაცია ამ დროისათვის მუშაობს არსებული ხარვეზის გამოსასწორებლად და ბილეთების შეძენა უახლოეს საათებში შესაძლებელი გახდება.
biletebi.ge-ზე უეფა-ს სუპერთასის ბილეთების შეძენასთან დაკავშირებული პრობლემები გრძელდება. გარდა ამისა, მომხმარებლები შექმნილ პრობლემებთან დაკავშირებით სხვადასხვა საიტებზე და სოციალურ ქსელებში წერენ.
როგორც თბილისის ფორუმზე რამდენიმე მომხმარებელმა დაწერა, მათ ბილეთები შეიძინეს და ანგარიშზე არსებული თანხაც ჩამოეჭრათ, თუმცა ელექტრონულ ფოსტაზე დამადასტურებელი ბმულები აქამდე არ მოსვლიათ:
ცოტა ხნის წინ biletebi.ge-მ მორიგი განცხადება გაავრცელა. კომპანის ოფიციალური ფეისბუქ გვერდის ცნობით ამ წუთებში აპარატურის გადაწყობა მიმდინარეობს.
“სერვერი ცოტა ხნით გაითიშება, მიმდინარეობს აპარატურის გადაწყობა…” – იუწყებიან biletebi.ge-დან.
შეგახსენებთ, რომ კომპანიის ვეგგვერდზე დღეს დილიდან თბილისში გასამართი უეფას სუპერთასის ბილეთების გაყიდვა უნდა დაწყებულიყო, თუმცა ტექნიკური პრობლემების გამო ამის განხორციელება ვერ მოხერხდა, რამაც გულშემატკივართა დიდი უკმაყოფილება გამოიწვია.
მოგეხსენებათ, ოფიციალურად, დღეს დილიდან უეფას სუპერთასზე დასასწრები ბილეთების გაყიდვა დაიწყო, რომელთა შეძენა მსურველებს საიტ Biletebi.ge-ზე შეუძლიათ. თუმცა, დილიდანვე საიტზე პრობლემები შეიქმნა, ამის გამო ბილეთების შეძენას აქამდე უამრავი მომხმარებელი ვერ ახერხებს. აღნიშნულ პრობლემასთან დაკავშირებით საიტის ერთ-ერთი წარმომადგენელი ტელეკომპანია „რუსთავი 2“-ს ვებსაიტს გაესაუბრა.
„მაქსიმალურად ვცდილობთ, ფილტრი მაინც დავაყენოთ და ნაწილ ნაწილ შევუშვათ ხალხი.
წამში მოდის 10 ათასზე მეტი ტრანზაქცია, ამას „ამაზონის“ სერვერი თუ გაუძლებს მხოლოდ“, – განუცხადა Biletebi.ge-ს წარმომადგენელმა „რუსთავი 2“-ს.
გარდა ამისა, ავად რესპოდენტის თქმით, ამჟამად ჯერჯერობით უცნობია, თუ როდის აღდგება საიტის მუშაობა.
სუპერთასის ბილეთები დღის ყველაზე აქტუალური თემაა. როგორც იცით, აგვისტოში გასამართი მატჩის ბილეთების გაყიდვა დღეს დილის 9 საათზე უნდა დაწყებულიყო, თუმცა biletebi.ge-ზე არსებული ტექნიკური პრობლემების გამო გულშემატკივრები ბილეთების შეძენას ვერ ახერხებენ.
დაუდასტურებული ინფორმაციით ბილეთების გარკვეული რაოდენობა ღამის საათებში გაიყიდა, ცოტა ხნის წინ კი ვებგვერდის ადმინისტრაციამ შეტევის შესახებ გაავრცელა ინფორმაცია და ბილეთების გაყიდვის შეჩერება დაადასტურა.
აქვე გაცნობებთ, რომ biletebi.ge-მ უეფასგან შესაძლო პრობლემების თავიდან ასაცილებლად და ბილეთების რეალიზაციის პროცესის გამართულად ჩასატარებლად 45 000 ევრო მიიღო, თუმცა როგორც ჩანს თანხის მიზნობრივად გამოყენება ვერ მოხერხდა, რადგან ბილეთების გაყიდვის დაწეყბა დაანონსებულ დროზე ვერ მოხერხდა და გულშემატკივრებს ამ დრომდე პრობლემები ექმნებათ.
მოგეხსენებათ, დღეს თბილისში 11 აგვისტოს გასამართი უეფას სუპერთასის მატჩზე დასასწრები ბილეთების გაყიდვა უნდა დაწყებულიყო, მაგრამ გულშემატკივრები ბილეთების შეძენას ჯერ-ჯერობით ვერ ახერხებენ.
ცხადია, ამ ფაქტს სოციალურ ქსელებში დიდი გამოხმაურება მოყვა. გულშემატკივრები არაერთ კომენტარს წერენ. უკვე შეიქმნა ჯგუფი, სადაც იწერება, რომ იმ შემთხვევაში, თუ სიტუაცია არ გამოსწორდება, აქცია იგეგმება.
ორშაბათს, 22 ივნისს, საიტზე biletebi.ge – დაიწყება უეფას 2015 წლის სუპერთასის ბილეთების გაყიდვა.
ვინაიდან, ამ საკითხის გარშემო უდიდესი ინტერესია, სფფ გაგაცნობთ დაწვრილებით ინსტრუქციებს, თუ როგორ უნდა შეიძინოთ ბილეთი.
გთხოვთ, მაქსიმალური ყურადღებით გაეცნოთ ინსტრუქციებს.
პროცედურას ვიწყებთ რეგისტრაციით. შევდივართ საიტზე www.biletebi.ge და ვიწყებთ რეგისტრაციას:
● პირველ ველში შეგვყავს ელექტრონული ფოსტის მისამართი (E–mail), რომელსაც აქტიურად იყენებთ, რადგან ბილეთების ყიდვის შემდეგ, ამოსაბეჭდი ვერსია იგზავნება ამ საფოსტო მისამართზე.
● მეორე ველში ვწერთ პირადობის დამადასტურებელი მოწმობის 11- ნიშნა (პირად) ნომერს.
● „პაროლის“ ველში იწერება ის საიდუმლო სიტყვა, რომლის მეშვეობითაც შეხვალთ სისტემაში.
● შემდეგ ველში იმეორებთ თქვენს „პაროლს“.
გახსოვდეთ, თქვენი პაროლი არავის გაუზიაროთ.
● პერსონალურ მონაცემებში წერთ თქვენს სახელს და გვარს, მობილური ტელეფონის ნომერს და მისამართს.
● თუ გსურთ, რომ მიიღოთ ინფორმაცია ელ. ფოსტის ან SMS-ის საშუალებით, მონიშნეთ შესაბამისი გრაფა.
გახსოვდეთ, რომ
გთხოვთ, მაქსიმალურად დაიცვათ თავი გაყალბებული ბილეთებისაგან. მოერიდეთ ე.წ. „გადამყიდველებთან“ ურთიერთობას.
გისურვებთ წარმატებებს!
საქართველოს ფეხბურთის ფედერაცია
თბილისში 11 აგვისტოს გასამართი სუპერთასის ბილეთების გაყიდვის თარიღი ცნობილია. უეფას ცნობით, დინამო არენაზე “სევილიასა” და “ბარსეონას” მატჩზე დასასწრები ბილეთები გაყიდვაში 22 ივნისიდან იქნება.
შეგახსენებთ, რომ მატჩზე დასასწრები ყველა ბილეთი საჯარო გაყიდვაში გავა საიტ www.biletebi.ge -ს მეშვეობით.
საიტზე რეგისტრირებულ თითოეულ მომხმარებელს შეეძლება მხოლოდ 4 ბილეთის შეძენა. ბილეთის ფასი: 15, 30 და 70 ლარი იქნება.
სპორტკომპლექს არენაში საკალათბურთო სეზონის უკანასკნელი შეხვედრა შედგა. სუპერთასისთვის ბრძოლაში ერთმანეთის წინააღმდეგ ქვეყნის ჩემპიონი „შსს-აკადემია“ და თასისი მფლობელი თბილისის „დინამო“ წარსდგნენ.
შეხვედრა პირველივე წუთებიდან თანაბრად წარიმართა, თუმცა სასტარტო მეოთხედი „აკადემიელთა“ მცირე უპირატესობით, 25:21 დასრულდა. მატჩის მსვლელობა არც მეორე პერიოდში შეიცვალა და დიდ შესვენებაზე გუნდები 5 ქულიანი სხვაობით გავიდნენ – 45:40.
შესვენების შემდეგ ნომინალური მასპინძლების უპირატესობა კიდევ უფრო გაიზარდა. „დინამო“ მეტოქის შეჩერებას შორეული ტყორცნებით ცდილობდა, მაგრამ ხოშტარიას შეგირდები ბევრ შეცდომას უშვებდნენ და საბოლოოდ დასკვნითი მეთხედის წინ ტაბოლზე 13 ქულიანი სხვაობა დაფიქსირდა – 70:57.
ბოლო მეოთხედში, მატჩის დასრულებამდე 2 წუთით ადრე „დინამომ“ სხვოაბის შემცირება 5 ქულამდე მოახერხა და შეხვედრას ცოტა ხნით ინტრიგა დაუბრუნდა, თუმცა მეტის გაკეთება თასის მფლობელებმა ვეღარ შეძლეს და საბოლოოდ შსს-მ დამაჯერებლად, 84:76 იმარჯვა.
შსს-აკადემიას ბექა წივწივაძემ ულიდერა, რომელმაც შეხვედრა 19 ქულით დაასრულა. 16 ქულით შეეწია გამარჯვებულებს გიორგი შარაბიძე, გიორგი ცინცძის ანგარიშზე კი 15 ქულა, 8 პასი და 7 მოხსნა დაგროვდა. დინამოში საუკეთესო იყო ბესო ლეჟავა, რომელმაც დიდი შედეგიანობა გამოავლინა და შეხვედრა 36 ქულით დაასრულა. 15 ქულით დახურა სეზონი გიორგი ვახანიამ.
კოტე ტუღუში (,,შსს აკადემიის’’ მთავარი მწვრთნელი, სუპერლიგის 2014-2015 წლების სეზონის საუკეთესო მწვრთნელი): ძალიან ბედნიერი ვარ, საქართველოს ჩემპიონობას თავისი დატვირთვა აქვს, სუპერთასს – თავისი. ამიტომ მიხარია, რომ სეზონი ასეთი გამარჯვებით დავხურეთ. ძალიან დიდი შრომა იყო ამ ყველაფერში ჩადებული და მინდა ძალიან დიდი მადლობა ვუთხრა თითოეულ მონაწილეს, როგორც მოთამაშეებს, ასევე მწვრთნელებს, ექიმებს, გუნდის ხელმძღვანელობას, პრეზიდენტს, აბსოლუტურად ყველას, მათ უდიდესი შრომა გაწიეს… რთულად დავიწყეთ, მაგრამ, როგორც იტყვიან, ყველაფერი კარგია, რაც კარგად მთავრდება.
საუკეთესო ახალგაზრდა კალათბურთელი
საუკეთესო ახალგაზრდა მოთამაშის პრიზი ტრაგიკულად დაღუპული კალათბურთელის, ზვიად მიქაძის ოჯახმა დააწესა და მისი მფლობელი გახდა კლუბ ოლიმპის მოთამაშე ნოდარ გოგოძე. სეზონის საუკეთესო ახალგაზრდას პრიზი ზვიად მიქაძის შვილებმა სალომემ და იოანამ გადასცეს.
გამორჩეული მოთამაშის პრიზი
აღნიშნული პრიზი წლეულს პირველად გათამაშდა. პრიზი დიდი ქართველი კალათბურთელის, გელა დარსაძის სახელობისაა და ის სეზონის გამორჩეული მოთამაშისთვის დარსაძის ოჯახმა დააწესა. მისი მფლობელი გახდა ოლიმპის მოთამაშე ნოდარ გოგოძე, რომელსაც გელა დარსაძის სახელობის თასი დაღუპული კალათბურთელის მეუღლემ, ქალბატონმა ნინო ადამიამ გადასცა.
ნოდარ გოგოძე (სუპერლიგის 2014-2015 წლების სეზონის საუკეთესო ახალგაზრდა კალათბურთელი): ძალიან გახარებული ვარ, ჩემთვის პირველი ინდივიდუალური პრიზებია , რა თქმა უნდა, სასიხარულოა და ძალიან დიდი სტიმულია. ორმაგად ბედნიერი ვარ, რომ გელა დარსაძის სახელობის პრიზი მივიღე, გელა დარსაძე ჩემი ნათლია და ერთ-ერთი მასწავლებელი იყო.
საუკეთესო მოთამაშე (MVP)
2014-2015 წლების საუკეთესო მოთამაშე გამოკითხვის შედეგად გამოვლინდა, რომელშიც მონაწილეობა სუპერლიგის მწვრთნელებმა, კომისრებმა და სპორტულმა ჟურნალისტებმა მიიღეს. სეზონის საუკეთესო მოთამაშედ შსს-აკადემიას ლიდერი გიორგი ცინცაძე გახდა, რომელსაც პრიზი კალათბურთის ეროვნული ფედერაციის გენერალურმა მდივანმა გიორგი ქართველიშვილმა გადასცა.
გიორგი ცინცაძე (2014-2015 წლების სეზონის სუპერლიგის საუკეთესო კალათბურთელი): წარმატებული სეზონი იყო, როგორც ჩემთვის, ისე მთლიანად გუნდისთვის. შსს-აკადემიამ თითქმის ყველა ტურნირი მოიგო, რომელშიც სრულად ჩამოყალიბების შემდეგ მიიღო მონაწილეობა. სუპერთასი ჩვენი რიგით მესამე ტიტულია ამ სეზონში და ეს დიდი შრომის ხარჯზე მოხდა. დიდი მადლობა გუნდელებს, მწვრთნელებს, კლუბისა და სუპერლიგის ხელმძღვანელობას, გულშემატკივარს და საერთოდ, ყველას, ვინც ჩვენს მატჩებზე დადიოდა.
