დღეს გამართული მატჩში ანდერ ერერა ერთ-ერთი იყო იმ ორთგან, რომელმაც სრული 90 წუთი დაჰყო მოედანზე, გააკეთა რა ორი საგოლე გადაცემა და ეს ყველაფერი საკმარისი აღმოჩნდა იმისთვის რომ მატჩის საუკეთესო მოთამაშედ დასახელებულიყო.
ხუან მატა მოხიბლულია მისი თანამემამულის გამოსვლით და მოუთმენლად ელის მათივე ურთიერთობის პროგრესს. ხუანი და ერერა ერთმანეთს ჯერ კიდევ ესპანეთის ახალგაზრდული ნაკრებებიდან იცნობენ.
“მან შესანიშნავად იმუშავა.” აცხადებს მატა Manutd.com-თან ინტერვიუში. “მე მას ვიცნობ ესპანეთის ახალგაზრდული ნაკრებებიდან და დღეს იგი კარგად გამოიყურებოდა. მის გამო მე მოხარული ვარ. ჩვენ კარგი ურთიერთობა გვაქვს მოედნანზე და მის გარეთ და ვიცი, რომ გუნდს უამრავ სიკეთეს მოუტანს მომავალ სეზონში.”
ყველაზე შთამბეჭდავი რაც “იუნაიტედის” დამანგრეველი გამარჯვების შემდეგ არის აღსანიშნავი, ეს ახალი წყობით თამაშია, რომელიც 3-5-2-ს ითვალისწინებს. ანალოგიური წყობით ასპარეზობდა 62 წლის სპეციალისტი, ვან გაალი, როდესაც ჰოლანდიის ნაკრებს მუნდიალზე მიუძღვოდა.
ამ გადაწყვეტილებამ დიდი სარგებელი მოუტანა გასულ მატჩში. ბურთის კონტროლი და სწრაფი კონტრ შეტევები თავ-გზას უბნევდა მეტოქეთა დაცვის ხაზს. მატა კი აცხადებს, რომ ეს შესანიშნავი სტარტი გამოდგა, იმისდა მიუხედავად, რომ მისი თანაგუნდელები ამ წყობით თამაშს არ არიან შეჩვეულები.
“ჩვენ კმაყოფილი ვართ შედეგით, მაგრამ ვიცით რომ ეს მხოლოდ პირველი ნაბიჯია.”აგრძელებს ესპანელი. “ზოგიერთ ფეხბურთელს მხოლოდ 3 ან 4 დღე ჰქონდა ნავარჯიშები. ასე რომ გაუმჯობესება კიდევ წინ გველის, როგორც ფიზიკური ასევე ტაქტიკური კუთხით.”
“მაგრამ ყველაზე მთავარი ის აღმოჩნდა, რომ ჩვენ ადვილად გავუგეთ იმ სისტემას, რომლითაც მწვრთვნელს სურდა რომ გვეთამაშა. საერთო ჯამში კარგი მატჩი გამოდგა. მწვრთვნელს სურს, რომ მოედნის ცენტრში ბურთიანად სწრაფად ვიმოქმედოთ, მოვძებნოთ გაგრძელებები და გავშალოთ თამაში. ეს არის ის, რასაც მომავალშიც გავაკეთებთ.”
“იუნაიტედის” მომდევო ამხანაგური მატჩი შაბათს, იტალიური “რომას” წინააღმდეგ გაიმართება. აღნიშნული მატჩი 27 ივლის, ღამის პირველის 10 წუთზე დაიწყება და ტრადიციისამებრ RedArmy უზრუნველყოფს იმას, რომ “იუნაიტედის” გულშემატკივარმა მორიგი მატჩის ხილვით ისიამოვნოს.
წყარო: მანჩესტერ იუნაიტედის ქართული ფან-კლუბი – http://redarmy.ge/
