დიეგო მარადონა არ გამორიცხავს, რომ უახლოეს მომავალში, შესაძლოა, ვენესუელის ნაკრები ჩაიბაროს. ვენესუელის ნაკრებმა მსოფლიო ჩემპიონატის შესარჩევ ტურნირში მეექვსე ადგილი დაიკავა და მუნდიალზე მოხვედრა ვერ შესძლო. საინტერესოა, რომ სწორედ ვენესუელაა ერთადერთ სამხრეთამერიკული ნაკრები, რომელსაც მსოფლიო თასზე არასოდეს უასპარეზია.
“სერიოზული პროექტებით დაინტერესებული ვარ. დიახ, ვენესუელაში ჩემი დანიშნვა შესაძლებელია. მუნდიალის დასრულების შემდეგ ვენესუელის პრეზიდენტს შევხვდები და მრავალ საკითხთან ერთად საფეხბურთო ნაკრებზეც ვისაუბრებთ” – განაცხადა მარადონამ.