“ვილიარეალის” თავდამსხმელმა, რობერტო სოლდადომ აღიარა, რომ გუნდის თითოეული ფეხბურთელი ახლა ევროპა ლიგის ფინალზე ოცნებობს. როგორც იცით, ამისათვის ესპანურ კლუბს მხოლოდ “ლივერპულის” ბარიერის გადალახვა ესაჭიროება.
“ვილიარეალისთვის” ფინალში გასვლა უდიდესი ჯილდო იქნება. ფინალში გასვლაზე ყველანი ვოცნებობთ. ნამდვილად გვჯერა ჩვენი შანსების, თუმცა ვიცით, რომ რთული იქნება.
ისინი ბურთს ძალიან კარგად ეპყრობიან. “ლივერპულს” დიდებული გუნდი ჰყავს, სწორედ ამიტომაც არიან ისინი ევროპა ლიგის ნახევარფინალში.
ხვალ, თითოეულმა ჩვენგანმა მაქსიმმუმი უნდა გააკეთოს, რათა კარგ შედეგზე გავიდეთ. უმაღლეს დონეზე უნდა ვითამაშოთ. ზეწოლას ყურადღება არ უნდა მივაქციოთ და უბრალოდ უნდა ვისიამოვნოთ თამაშით.”
