კოლუმბიიის ნაკრების მთავარი მწვრთნელი ხოსე პეკერმანი იმედოვნებს, რომ „მანჩესტერ იუნაიტედის“ თავდამსხმელი რადამელ ფალკაო ეროვნულ ნაკრებში ყოფნის პერიოდში თავდაჯერებულობას დაიბრუნებს.
„ფალკაოს არც ისე ადვილი პერიოდი აქვს, თუმცა ის საკუთარ თავს უვლის და უახლოესი სანაკრებო პაუზა მისთვის მნიშვნელოვანი იქნება. მისი ძლიერი მხარეების შესახებ ვიცი. რადამელის ბრძოლისუნარიანობაში ეჭვი არასდროს შემეპარება. იმედია, თავდაჯერებულობის დაბრუნებაში დავეხმარებით“, – განაცხადა პეკერმანმა.
არგენტინელმა ხოსე პეკერმანმა კოლუმბიის ნაკრების მთავარი მწვრთნელის პოსტი დატოვა.
„RCN La Radio“-ს ინფორმაციით, 64 წლის სპეციალისტი ერთწლიანი პაუზის აღებას გეგმავს და სამშობლოში დაბრუნდება.
შეგახსენებთ, რომ პეკერმანი კოლუმბიის ნაკრებს 2012 წლიდან თავკაცობდა. მისი ხელმძღვანელობით გუნდი მსოფლიო ჩემპიონატის მეოთხედფინალამდე მივიდა, სადაც ბრაზილიასთან დამარცხდა.
ჯამში არგენტინელის თავკაცობით კოლუმბიელებმა 28 მატჩი ჩაატარეს, აქედან 18 შეხვედრა მოიგეს, 6 ფრედ დაასრულეს, ხოლო 4 წააგეს.
