ჭდე: იონას მაჩულისი

იონას მაჩულისმა მადრიდის „რეალთან“ კონტრაქტი გააფორმა, რის შესახებაც მოთამაშემ ლიტვურ გამოცემა lrytas.lt-ს უამბო.

იონასის თქმით, „პანაითინაიკოსმა“, რომლის შემადგენლოოიბაშიც იგი აქამდე გამოდიოდა, მას ახალი კონტრაქტი არ შესთავაზა, რადგან ბიუჯეტის შემცირებას აპირებს და ფსონს ახალგაზრდა კალათბურთელებზე აკეთებს.

მიმდინარე ზაფხულს მაჩულისმა მოლაპარაკება რუსულ „უნიკსთანაც“ დაიწყო, თუმცა ხმარეებმა შეთანხმება ვერ შეძლეს.

„ბოლოს წინადადება „რეალისგან“ მივიღე, რომელსაც სიამოვნებით დავთანხმდი“, – განაცხადა კალათბურთელმა.

დავამატებთ, რომ განვლილ სეზონში „პანაითინაიკოსის“ მაისურით მაჩულისმა ევროლიგაში 27 მატჩი ჩაატარა, მისმა საშუალო მონაგარმა კი 9,6 ქულა და 4,2 მოხსნა შეადგინა.