გოგიჩაიშვილი: „დინამომ“ ღირსეულად მოიგო“

„დინამო“ – „დილას“ მატჩი თბილისელთა თავკაცმა კახი გოგიჩაიშვილმაც შეაფასა.

„მეც იმის აღნიშვნა მინდა, რომ შეხვედრა ძალიან დაძაბული გამოდგა. ვცდილობდით, მაქსმალურად ყურადღებით გვეთამაშა. შედეგად, გოლი არ გაგვიშვია. ვფიქრობ, ნახევარფინალში დამსახურებულად გავედით.

არამოგნია, შეტევაში პრობლემები გვქონდეს. გოლებს, თუ არა გოლს, თითქმის ყველა შეხვედრაში ვიტანთ. ჩემპიონატში, ამ მხვრივ, საუკეთესო მაჩვენებელი გვაქვს“, – განაცხადა „ლურჯ-თეთრების“ თავკაცმა.

ჩისკო: “ხვალ ძალიან მნიშვნელოვანი თამაში გველის”

ხვალ, თბილისის დროით 17:00-ზე “დინამო არენაზე” მიმდინარე წლის ბოლო ოფიციალური მატჩი გაიმართება. სუპერთასისთვის ბრძოლაში ერთმანეთის წინააღმდეგ “დინამო” და “ჩიხურა” წარსდგებიან. დღეს კი, ქვეყნის მთავარი სტადიონის საპრესკონფერენციო დარბაზში მოახლოებული მატჩის შესახებ “დინამოს თბილისის” მთავარმა მწვრთნელმა, კახი გოგიჩაიშვილმა და “დინამოს” კაპიტანმა, ჩისკომ ისაუბრეს. შეგახსენებთ, ესპანელი ხვალინდელ შეხვედრაში კარიერის უკანასკნელ მატჩს ჩაატარებს.

კახი გოგიჩაიშვილი (“დინამო თბილისის”): “ხვალინდელი თამაში ჩვენთვის ძალიან მნიშვნელოვანია. რამდენიმე ახალგაზრდა ფეხბურთელისთვის ეს პირველი ფინალი იქნება და საინტერესოა, თუ როგორ წარმოაჩენენ ისინი საკუთარ შესაძლებლობებს. ვფიქორბ, რომ მაყურებელი საინტერესო და კარგ თამაშს იხილავს. უკეთესი იქნება, თუ სუპერთასი სეზონის სტარტზე გაიმართება. ტრავმების გამო ცინცაძე და საბანაძე ვერ ითამაშებენ. კითხვის ნიშნის ქვეშ არის ძარიას ასპარეზობაც.”

ჩისკო (“დინამო თბილისის”): “ხვალ ძალიან მნიშვენლოვანი თამაშია. სუპერთასი დიდი ხანია არ მოგვიგია. ამასთან ერთად ეს ჩემი უკანასკნელი თამაშია. “დინამოში” 3,5 სეზონი გავატარე და ეს ჩემი ბოლო თამაში იქნება თბილისური კლუბის შემადგენლობაში. მინდა მადლობა გადავუხადო “დინამოში” მომუშავე ყველა ადამიანს და ავღნიშნო, რომ სუპერთასის მოგება ჩემთვის ძალიან მნიშვნელოვანია. საქართველოში გატარებული პერიოდში ხალხისგან საკმაოდ ბევრვი სიყვარული ვიგრძენი. ეს ქვეყანა და აქ შეძენილი მეგობრები ძალიან დამაკლდება. ესპანეთში დაბრუნების შემდეგ, შესაძლოა, სამოყვარული ლიგაში ვითამაშო.

წლევანდელი ჩემპიონატი “დინამოსთვის” ძალიან რთულია. გუნდი გაახალგაზრდავდა და მცირე ჩავარდნებიც სწორედ ამის ბრალია. ევროთასებზე კი გაცილებით მეტი სირთულეა.

ბოლოს ჩვენ გულშემატკივრებს მინდა დიდი მადლობა გადავუხადო. ისინი ყოველთვის ჩვენს გვერდში არიან. მთელი ცხოვრება ისინი ჩემს გულში იქნებიან.” 

კახი გოგიჩაიშვილი: “მსაჯს ჩირგაძის გოლის ჩათვლა შეეძლო”

“დინამო არენაზე” გამართული “დინამსა”-“მერანის” დასრულების შემდეგ, შეხვედრა გუნდების მწვრთნელებმა, კახი გოგიჩაიშვილმა და შალვა ღონღაძემ შეაფასეს.

შალვა ღონღაძემ: “საკმაოდ სანახაობრივი მატჩი გამოვიდა. პირველ ტაიმში ცუდად ვითამაშეთ, მაგრამ მეორე ტაიმში უკეთესები ვიყავით. თუმცა, საგოლე მომენტები ორივე ნახევარში გვქონდა. ჩემი აზრით, გატანილი გოლი წესებით სრული დაცვით გავიდა, თუმცა უმჯობესი იქნება ჩანაწერს თუ ვნახავთ”

კახი გოგიჩაიშვილი: “რთული თამაში იყო. მოსაგებად გამოვედით, თუმცა ცოტა არ გაგვიმართლა, რაღაც დავაკელით და შედეგიც სახეზეა. ვგეგმავდით სამ ქულას, მაგრამ ყველაფერი ისე არ ხდება, როგორც გვინდა. ვეცდებით შემდეგ თამაშებში მოვიპოვოთ ქულები. ჩირგაძის გოლის დროს ორთაბრძოლა იყო, თუმცა მსაჯს გოლის ჩათვლა შეეძლო.”

კახი გოგიჩაიშვილი: “გუნდის თამაშით კმაყოფილი ვარ”

“დინამო” – “შუქურას” დასრულების შემდეგ მატჩი თბილისელთა მთავარმა მწვრთნელმა, კახი გოგიჩაიშვილმა შეაფასა.

კახი გოგიჩაიშვილი: “ვულოცავ ჩემს გუნდს გამარჯვებას, რუსთავში განცდილი მარცხის შემდეგ დღევანდელ თამაშში მოგება მნიშვნელოვანი იყო. კარგად ვიცოდით, რომ “შუქურა” ძლირი გუნდია, რაზეც ამ გუნდის შედეგები მეტყველებს. ამიტომ, დღევანდელი შეხვედრისთვის დიდხანს ვემზადებოდით. დავალებები ბოლომდე შესრულდა და ჩემი ფეხბურთელების თამაშით კმაყოფილი ვარ.

ჩემპიონატჩი საერთო დონე საკმაოდ თანაბარია და მაღალი მიზნებისთვის ბრძოლა ბევრ გუნდს შეუძლია. რა თქმა უნდა “დინამოც” მხოლოდ მაღალ მიზნებზე ფიქრობს.

ზურაბ ხიზანიშვილი გუნდთან ერთად ვარჯიშობს. ის ჯერ ოპტიმალურ ფორმაში არ არის, თუმცა ჩვენს გუნდს ხიზანიშვილი ძალიან გააძიერებს. რუსთავში გამოჩნდა, რომ დაცვაში გარკვეული პრობლემები გვაქვს და ხიზანიშვილის თაობაზე გადაწყვეტილება სწორედ ამიტომ მივიღეთ

მიგინეიშვილს ტვინის შერყევის ნიშნები აქვს და მას 7-8 ნაკერის დადება დასჭირდა. ზუსტი ინფორმაცია ხვალ გვექნება”.

რომან ფიფია: “მოვიდა დრო, როდესაც ძირეული ცვლილებების განხორციელება აუცილებელი გახდა”

დღეს, დინამო არენის მედია დარბაზში დინამო თბილისის პრესკონფერენცია გაიმართა. კლუბის პრეზიდენტმა რომან ფიფიამ გუნდში მომხდარ ცვლილებებზე ისაუბრა და ახალი მთავარი მწვრთნელი, კახი გოგიჩაიშვილი წარადგინა.

“დინამოს” ხელმძღვანელოიბის და მიხალ ბილეკის ურთიერთშეთანხმების საფუძველზე ჩეხმა სპეციალისტი თბილისური კლუბის მტავარი მწვრთნელის პოსტი დატოვა. მის ნაცვლად “დინამოს” დუბლშემადგენლობის მთავარი მწვრთნელი, კახი გოგიჩაიშვილი ჩაიბარებს, რომელსაც სულიკო დავითაშვილი დაეხმარება. შეგახსენებთ, რომ “დინამოს” 19-წლამდე გუნდის რურის თასზე ტრიუმფი სწორედ ამ სამწვრთნელო შტაბის ხელმძღვანელობით მოხდა.

თბილისური კლუბის შემადგენლობას დატოვებენ: გიორგი ლორია, გიორგი მერებაშვილი, ელგუჯა გრიგალაშვილი, დავით  კვირკველია, თორნიკე გორგიაშვილი, ოთარ მარცვალაძე, დავით ხურცილავა, რადეკ დოსოუდილი, რაფაელ გარსია, პატრიკ ვუო და რაფა ჯორდა.

შექმნილ ვითარებაზე “დინამოს” პრეზიდენტმა რომან ფიფიამ საკმაოდ ვრცლად ისაუბრა.

რომან ფიფია (დინამოს პრეზიდენტი): “მოვიდა დრო, როდესაც ძირეული ცვლილებების განხორციელება აუცილებელი გახდა.

კახა გოგიჩაიშვილი არის ნამდვილი დინამოელი. ჩვენ შეიძლება ცოტა გვიან, მაგრამ ვუბრუნდებით იმ ტრადიციებს, ღირებულებებს, რასაც უნდა ატარებდეს ფეხბურთელი და მწვრთნელი. დავგეგმეთ გრძელვადიანი პროექტი, რომელიც აუცილებლად მიგვიყვანს გამარჯვებამდე.

ამ წლების განმავლობაში ყველაფერი გაკეთდა, რომ „აქტობესთან“ ასე არ გვეთამაშა. გუნდს ქართულ რეალობასთან შედარებით შესანიშნავი პირობები ჰქონდა შექმნილი.

პირადად ჩემი მოთმინება ამოიწურა. გადავიწყვე, რომ  გავაახალგაზრდავო გუნდი. „დინამოში“ დარჩებიან მხოლოდ ის ფეხბურთელები, ვინც „დინამოსთვის“ დადებენ სულს და გულს. ჩემთვის ამდენი ხანი ლოდინი ადვილი არ არის. ძალიან მინდა თქვენთან ერთად რაც შეიძლება მალე მივაღწიო წარმატებას.

ამ დროის განმავლობაში ძალიან დიდი ფული დაიხარჯა. ბიჭები, ვინც იყვნენ „დინამოში“ პროფესიონალები არიან, მაგრამ მათ საკუთარი მოღვაწეობა სხვაგან უნდა გააგრძელონ. „დინამოში“ ყველაზე ნიჭიერმა ახალგაზრდებმა უნდა იასპარეზონ.

კახას თავკაცობით ჩვენმა ახალგაზრდებმა გერმანიაში უმნიშვნელოვანესი თასი მოიპოვეს. ასეთი სულისკვეთებით და ჟინით მთავარ გუნდს რომ ეთამაშა, დღეს არსებული შედეგი არ გვექნებოდა.

ჩემი მოსვლის დროს „დინამოში“ სრული კატასტროფა იყო. გავეცანი ქართულ ფეხბურთში არსებულ მდგომარეობას და პირველ რიგში აკადემიის გახსნა გადავწყვიტე, საიდანაც მთავარი გუნდი მიიღებს შევსებას. ჩვენი ახალგაზდული გუნდი პრესტიჟულ საერთაშორისო ტურნირებზე მომავალ წელსაც იასპარეზებს.

მომავალში ჩვენი კონტრაქტები, ხელფასები და ბონუსები იქნება საჯარო. ფეხბურთელების უმრავლესობას არაადეკვატური ხელფასები ჰქოდნათ. 10 ათასობით იღებდნენ და ამის სანაცვლოდ არაფერს აკეთებდნენ.

ლეგიონერებიდან მხოლოდ ჩისკო დარჩა. ადამიანი, რომელიც არავისზე ნაკლები „დინამოელი“ არ არის დღეს. ის კახას და ჩვენს ახალგაზრდებსაც დაეხმარება.

გუნდი ირაკლი ვაშაკიძემაც დატოვა. ახლო მომავალში ჩვენ ამ პოზიციის შევსებას არ ვაპირებთ. ტრასნფერებს უშუალოდ მთავარი მწვრთნელი უხელმძღვანელებს.

აქცენტს ქართველ მოთამაშეეებზე გავაკეთებთ. ლეგიონერის მოყვანის შემთხვევაში ის იქნება 21-23 წლის ახალგაზრდა, ნიჭიერი მოთამაშე. ახალგაზრდებს დრო უნდა მივცეთ. ამდენი ფულის გადახდა ყელშია ამოსული, როდესაც შედეგი არ არის. სხვა გზა უბრალოდ აღარ გვაქვს.

შესაძლოა, „დინამოს“ ისტორიაში ეს ყველაზე არაპოპულარული გადაწყვეტილება იყოს. ბევრი ფეხბურთელი, ვინც დაგვტოვა, ძალიან კარგი ადამიანი და თავისი საქმის პროფესიონალია. მათი კონტრაქტები ჩვენს შორის მოლაპარაკების საგანი იქნება. ვფიქრობ, ფინანსური თვალსაზრისით  „დინამო“ უფრო მეტს დაკარგავს.

ამ პირობებში, როდესაც უმაღლეს ლიგაში 16 გუნდი, გაურკვეველ პირობებში ითამაშებს, სჯობს შანსი ახალგაზრდებს მიეცეთ. “დინამო” დაბალი ხელფასების და მაღალი პრემიების სისტემაზე გადავა.

კახის 2-3 წელი აქვს დრო, მაგრამ მან აუცილებლად უნდა მანახოს პროგრესი მეც და გულშემატკივრებსაც. ყველაფერი მისი სამწვრთნელო შტაბის ხელშია. ჩვენ მას ყველანაირად გვერდში დავუდგებით.

გულახდილად შემლიძია გითხრათ, რომ ერთ მომენტში სიტუაცია ხელიდან გამექცა, რამაც დღევანდელ შედეგამდე მოგვიყვანა. პირველივე წელს საუბარი იყო გუნდის შენების სულ სხვა პრინციპებზე. აქცენტი თავიდანვე ახალგაზდა, პერსპექტიულ მოთამაშებზე უდნა გაგვეკეთებინა.

ჩვენ მზად ვართ „დინამოში“ ვხარჯოთ 10-15 მილიონი, თუ გვეყოლება 2-3 კონკურენტი. თუმცა რეალობა ისეთია, რომ გუდების უმრავლესობა 500 000 ლარით ასპარეზობენ. ვფიქრობ, საქართველოში დადგება დრო, როდესაც 4 გუნდი მაინც იქნება მაღალბიუჯეტიანი. შემიძლია გითხრათ, რომ ჩვენი ბიუჯეტი მომავალ ჩემპიონატში ყველაზე დიდი იქნება.”

კახი გოგიჩაიშვილი (დინამოს მთავარი მწვრთნელი): “მადლობა მინდა გადავუხადო კლუბის ხელმძღვანელობას ნდობისთვის. ვაცნობიერებ პასუხისმგენბლობას და ამისთვის მზად ვარ.

ჩვენ მოგვიწევს ახალი გუნდის შენება, სადაც აქცენტი ახალგაზრდა ფეხბურთელებზე იქნება გაკეთებული. გუნდში ლეგიონერებიდან მხოლოდ ჩისკო რჩება.

მიზანი ამბიციური და ბრძოლისუნარიანი გუნდის შექნაა. გულშემატკივარს უახლოეს მომავალში შევთავაზებთ ისეთ გუნდს, რომელიც კარგ, სანახაობრივ ფეხბურთს ითამაშებს. გუნდში იქნება ყველა ის ფეხბურთელი ვინც უკეთესად იქნება მომზადებული.

პირველ ეტაპზე ძალიან რთული სამუშაო გველის. მთავარი მიზანი ჩემპიონატში წარამტებით გამოსვლაა, რომლის სტარტამდე ძალიან ცოტა დრო რჩება. ამ მოკლე ხანში ფორსირებულად უნდა ვიმუშაოთ, რომ გუნდი საჭირო კონდიციამდე მივიდეს. მთავარი პრობლემა, ალბათ, შეთამაშება იქნება.

ახალგაზრდებს აუცილებლად სჭირდებათ 3-4 გამოცდილი ფეხბურთელი. მაგალითად ჩისკო და რამდენიმე გამოცდილი ქართველი მოთამაშე. ერთად მათ წარმატებით ასპარეზობის კარგი შანსი აქვთ”.

თბილისის “დინამო” უმაღლეს ლიგას 10 აგვისტოს, “სამტრედიასთან” საშინაო მატჩით დაიწყებს.

IMG_2650IMG_2705IMG_2748IMG_2770IMG_2822IMG_2844IMG_2864

მარიამ ნიშნიანიძის ფოტოები