ჭდე: ლესტერ სიტი

“ლესტერ სიტის” ხელმძღვანელები პრემიერ ლიგიდან ახლახან გავარდნილი “ჰალ სიტის” მეკარის, ელდინ იაკუპოვიჩის ტრანსფერს ოფიციალურად ადასტურებენ.

გავრცელებული ცნობების მიხედვით, იაკუპოვიჩმა “მელიებთან” 3-წლიან კონტრაქტს მოაწერა ხელი.

იაკუპოვიჩი პრემიერ ლიგის 2015/16 წლების ჩემპიონების რიგით მესამე შენაძენია ახალ სეზონში. აქამდე “ლესტერმა” ვისენტე იბორასა და ჰარი მაგირეს დამატება მოახერხა.

ხელშეკრულების გაფორმების შემდეგ, 32 წლის იაკუპოვიჩმა განაცხადა: “ძალიან კარგად ვიცი, რომ შმეიხელისთვის კონკურენციის გაწევა ადვილი არ იქნება, მაგრამ მე აქ საბრძოლველად მოვედი, მოუთმენლად ველი ჩემს პირველ მატჩს”.

ინგლისის პრემიერ ლიგაში მოასპარეზე “ლესტერ სიტის” მთავარმა მწვრთნელმა, კრეიგ შექსპირმა რიად მარეზის გარშემო არსებულ სიტუაციას გაუკეთა კომენტარი.

“ფაქტი, რომ ფეხბურთელები ღიად საუბრობენ საკუთარი მომავლის შესახებ, ძალიან სამწუხაროა. დღეს ასეთი რამ ხშირად ხდება და ამის უკან შესაძლოა, ბევრი მიზეზი იყოს.

ჩვენ ვიცით რიადის სურვილების შესახებ, მას კლუბის დატოვება უნდა, მაგრამ თუ შემოთავაზება არ გვექნება, არაფერიც არ მოხდება. ამ დროისთვის, ის ჯერ კიდევ ჩვენი ფეხბურთელია.

მარეზმა პროფესიონალიზმი უნდა გამოავლინოს, სამწვრთნელო შტაბს, მწვრთნელსა და გულშემატკივრებს პატივისცემით მოექცეს. ის ჩვენი ფეხბურთელია, თუმცა, თუ მასში მონდომებას ვერ დავინახავ, არ ვათამაშებ,” – აცხადებს შექსპირი.