დღეს ღამით, როდესაც “ჩიხურის” ფეხბურთელები ბათუმიდან სახლში ბრუნდებოდნენ ავტოავარიში მოყვნენ.
შემთხვევა ცენტრალურ ავტომაგისტრალზე მოხდა. საჩხერელთა პრესსამსახურის განცხადებით, ავარიის შედეგად მძიმედ არავინ დაშავებულა. შედარებით მეტი პრობლემა შეექმნა გუნდის კაპიტანს, შოთა კაშიას, რომელსაც ლავიწის ძვლის მოტეხილობა აქვს და ამ წუთებში ოპერაცია უტარდება.
შეგახსენებთ, რომ საჩხერის “ჩიხურამ” გუშინ ბათუმის “დინამო” სტუმრად დაამარცხა (2-1).
ბაქოს “ნეფთჩისთან” განმეორებითი მატჩის წინ “ჩიხურას” მცველმა შოთა კაშიამ azerisport.com-ის კითხვებს უპასუხა.
– პირველ შეხვედრაზე რას იტყოდით?
– ჩვენი მიზანი საკუთარი კარის მშრალად შენახვა იყო, რაც გამოგვივიდა კიდეც.
– ანუ მეტოქეს შიშით შეხვდით და მთელი მატჩის გატარება დაცვაში გადაწყვიტეთ?
– არა. ვთვლი, რომ ნორმალურად ვითამაშეთ. განმეორებით მატჩი ვეცდებით, რომ უკეთესი ფეხბურთი ვაჩვენოთ.
– “ნეფთჩისგან” ასეთ თამაშს ელოდით?
– შეკრებაზე “ნეფთჩის” ორჯერ შევხვდით. პირველ მატჩში 3:2 მოვიგეთ, ხოლო მეორე შეხვედრა ფრედ, 1:1 დასრულდა. ჩვენი მწვრთნელი მოწინააღმდეგეს კარგად იცნობს. მან დავალება მოგვცა, ჩვენ კი ის შევასრულეთ.
– არ თვლით რომ “ჩიხურას” გაუმართლა?
– გოლის გატანის საშუალება ჩვენც გვქონდა. შეიძლება ითქვას, რომ მეტოქესაც გაუმართლა.
– თბილისური მატჩისგან რას ელით?
– ვიცი, რომ “ნეფთჩი” მეორე შეხვედრაშიც კარგად იასპარეზებს. თუმცა, შემდეგ ეტაპზე გასასვლელად ყველაფერს გავაკეთებთ.
– “ნეფთჩის” მოთამაშეები ამბობენ, რომ ისინი თბილისში დადებითი შედეგისთვის ჩადიან.
– გამარჯვება ჩვენ უფრო გვინდა.
– ასე რატომ თვლით?
– საკუთარი გულშემატკივრების წინაშე ვთამაშობთ. ბაქოში სტადიონზე საკმაოდ კარგი ატმოსფერო იყო, თუმცა თბილისში გაცილებით უკეთესი იქნება.
– “ნეფთჩის” “ბურსასპორის” ბედი ელის?
– დიახ. ყველაფერს გავაკეთებთ, რათა “ნეფთჩი” “ბურსასპორივით” დავამარცხოთ.
