“ლივერპული” მილანის “ინტერის” მცველ ანდრეა რანოკიათი დაინტერესდა. მერსისაიდული გუნდი დაცვაში არსებული საკადრო პრობლემების მოგვარებას სწორედ იტალიელი ფეხბურთელის დამატებით აპირებს.
27 წლის მცველის თავისთან გადაბირება “ნორვიჩ სიტისაც” სურდა და მის სანაცვლოდ 7 მილიონ ფუნტ სტერლინგსაც იხდიდა, თუმცა თავად ფეხბურთელმა უარი განაცხადა.
ანდრეა რანოკიას მიმართ ინტერესს “ბოლონია” და “სამპდორიაც” აფიქსირებენ.
იტალიის ჩემპიონატის 31-ე ტურის ცენტრალური შეხვედრა, რომელიც მილანურ გუნდებს შორის გაიმართა, უგოლოდ დასრულდა. მატჩის შემდეგ “ინტერის” კაპიტანმა ანდრეა რანოკიამ არბიტრები გააკრიტიკა.
“მსაჯებმა გოლი გააუქმეს და თქვეს, რომ ჯარიმა იყო. მე არ დამინახავს. ყველაზე ცუდი კი პენალტის მომენტი იყო (ლუკა ანტონელის მიერ ხელით თამაში არ დაფიქსირდა). ეს იყო შოკი. არადა, ძალზედ აშკარა ეპიზოდი გახლდათ.
რას აკეთებენ ეს მსაჯები, თუ ვერაფერს ვერ ხედავენ? არ შეიძლება, დერბიში პენალტი ვერ დაინახო, უბრალოდ არ შეიძლება. ეს დიდ გავლენას ახდენს შედეგზე”, – ციტირებს რანოკიას სიტყვებს Sky Sport Italia.
მილანის “ინტერის” მცველმა ანდრეა რანოკიამ კლუბთან კონტრაქტი გაახანგრძლივა. ამ ინფორმაციას წამყვანი ევროპული გამოცემები ავრცელებენ, თუმცა ოფიციალურად ჯერჯერობით არ დასტუდება.
ახალი შრომითი ხელშეკრულების პირობები უცნობია.
ანდრეა რანოკიამ იტალიის ჩემპიონატის მიმდინარე გათამაშებაში 25 მატჩი ჩაატარა და ორი გოლი გაიტანა.
მილანის “ინტერის” კაპიტანმა ანდრეა რანოკიამ იტალიის სერია A-ს 25-ე ტურში “ფიორენტინას” წინააღმდეგ გასამართ მატჩამდე აღნიშნა, რომ მისი გუნდი კარგ ფორმაშია. იტალიელი მცველი ამბობს, რომ ფეხბურთელებმა გაიგეს, რა სურს მათგან მთავარ მწვრთნელ რობერტო მანჩინის.
“უკანასკნელი მატჩების შემდეგ გუნდი ძალებს იღდგენს. სტაბილურობა უნდა შევინარჩუნოთ. გუნდი მიხვდა, თუ რა სურს მისგან რობერტო მანჩინის.
“ფიორენტინას” საკმაოდ შეთამაშებული გუნდია. მეტოქე კარგ ფორმაშია, თუმცა არც ჩვენ ვართ ცუდ კონდიციებში”, – ციტირებს რანოკიას სიტყვებს Tmw.
მატჩი “ინტერსა” და “ფიორენტინას” შორის დღეს, თბილისის დროით 21:00 საათზე დაიწყება.
მილანის “ინტერის” მცველმა ანდრეა რანოკიამ განაცხადა, რმ მისი გუნდის მიზანი უეფას ევროპის ლიგაზე წარმატებული ასპარეზობაა. შეგახსენებთ, რომ პლეი-ოფის წილისყრაზე “ნერიაძურის” მეტოქედ ისლანდიური “სტიარნანი”. იტალიელი ფეხბურთელის თქმით, მეტოქის დაუფასებლობა არ ღირს.
“ისლანდიაში არასდროს ვყოფილვარ, პირველად გავემგზავრები. მეტოქის დაუფასებლობა არ გვიღირს. “ინტერის” მიზანი ევროპის ლიგაზე წარმატებული ასპარეზობაა”, – ციტირებს რანოკიას სიტყვებს Football Italia.
წყვილის პირველი მატჩი 21 აგვისტოს გაიმართება, საპასუხო შეხვედრა კი 28 აგვისტოს შედგება.
