ინგლისის პრემიერლიგის მე-8 ტურში “მანჩესტერ სიტისა” და “ევერტონს” შორის გამართული მატჩი ფრედ, ანგარიშით 1:1 დასრულდა. შეხვედრაში ლივერპულელთა მეკარე მარტენ სტეკელენბურგმა ორი პენალტი მოიგერია. აღსანიშნავია, რომ ორივე თერთმეტმეტრიანი ფილ იაგიელკას მიერ თამაშის წესის დარღვევის გამო დაინიშნა. მოგერიებული პენალტების შემდეგ სტეკელენბურგს ხუმრობის საბაბი მიეცა.
“თუ მატჩს მთლიანობაში გავაანალიზებთ, მაშინ საყაიმო შედეგით კმაყოფილები უნდა ვიყოთ. როგორ უნდა გადამიხადოს იაგიელკამ პენალტების მოგერიებისთვის მადლობა? მე მას ვეტყვი, რომ რესტორანში ფული ჩემ მაგივრად გადაიხადოს”, – ციტირებს სტეკელენბურგის სიტყვებს “ბიბისი”.
