გერმანული “ლაიფციგის” შემტევი ნახევარმცველი, ნაბი კეიტა სამმატჩიანი დისკვალიფიკაციით დასაჯეს მას შემდეგ, რაც “ბორუსია მიუნხენგლადბახთან” მატჩში კრისტოფ კრამერს სერიოზული ტრავმა მიაყენა.
ინციდენტი მატჩის 83-ე წუთზე მოხდა, როდესაც საჰაერო ორთაბრძოლაში ჩართულ კრამერს ნაბი კეიტამ ფეხი სახეში გაარტყა. კეიტა, რომელიც მომავალი სეზონიდან “ეინფილდელთა” რიგებში უნდა ჩაირიცხოს, უმალ გააგდეს მოედნიდან.
გერმანიის ფეხბურთის ფედერაციამ კი დღეს ოფიციალურად დაადასტურა ინფორმაცია მისი სასჯელის ვადის გაზრდის შესახებ. ეს კი იმას ნიშნავს, რომ “ლაიფციგს” კეიტა “აუგსბურგის”, “კიოლნისა” და “ფრანკფურტის” წინააღმდეგ გასამართ მატჩებში ვერ დაეხმარება.
Here's what Naby Keïta was sent off for. Seems he'll fit into Liverpool perfectly. pic.twitter.com/vkclVugeAV
— Zach (@ZCalcio) September 16, 2017
