მატეო კოვაჩიჩი ისევ ვერ იღებს იმდენ სათამაშო დროს, რამდენიც მას უნდა რომ ჰქონდეს. მიუხედავად ამისა, ხორვატის აგენტი, ნიკი ვუსანი ამბობს, რომ მატეო მადრიდში ბედნიერია და არსად წასვლა არ სურს.
“დარწმუნებული ვარ, კოვაჩიჩი მადრიდში მშვენივრად გრძნობს თავს. ასევე, კლუბიც კმაყოფილია მატეოს გარჯით. არ ვფიქრობ, რომ მას ძალიან ცოტა სათამაშო დრო აქვს. “რეალი” ხომ ევროპის ჩემპიონია, რომელშიც მსოფლიოს საუკეთესო ფეხბურთელები თამაშობენ. ეს ნიშნავს იმას, რომ მათ შესანიშნავი ნახევარდაცვა ჰყავთ. იგი დაკომპლექტებულია ისეთი მოთამაშეებით, როგორებიც ისკო, კროოსი, ხამესი და სხვები არიან.”
“არ მინდა ვისაუბრო სპეკულაციებისა და ჭორების შესახებ. ზუსტად არ ვიცით, რა იქნება მომავალში. ამჟამად მატეოს მადრიდში დარჩენა სურს,” – განაცხადა აგენტმა.
