ჟოზე მოურინიო გუნდის წმენდას განაგრძობს…
სულ ცოტა ხნის წინ ოფიციალურად დადასტურდა, რომ “წითელი ეშმაკების” მცველი, გილერმო ვარელა გუნდმა ერთი წლით ფრანკფურტის “აინტრახტში” გაანათხოვრა. ტრანსფერის ღირებულება არაა საჯარო.
აქვე გეტყვით, რომ 23 წლის მოთამაშე ინგლისურ კლუბში 2013 წლიდან ირიცხება. იგი პირველი წელი “მანჩესტერის” ახალგაზრდულ გუნდში გამოდიოდა. შემდეგ იყო იჯარა “კასტილიაში”. 2015/2016 წლების სეზონში კი ურუგვაელმა ათი შეხვედრა ჩაატარა “მანჩესტერელთა” რიგებში.
Sunday People-ის მიერ გავრცელებული ინფორმაციის თანახმად, “მანჩესტერ იუნაიტედის” ახალგაზრდა ვარსკვლავს, მარკუს რეშფორდს პროფესიონალური გუნდის წევრებთან ერთად გასახდელში შესვლა აკრძალული აქვს.
“წითელი ეშმაკების” ჰოლანდიელი სპეციალისტი თვლის, რომ ამით ის რეშფორდის ფსიქოლოგიას ეხმარება და ხელს უშლის რეალობასთან კავშირის დაკარგვაში. იგივე წესები მოქმედებს გილერმო ვარელასთვისაც.
ამრიგად, რეშფორდი და ვარელა 21-წლამდელთა გასახდელში იცვლიან, რის შემდეგადაც ისინი ჩვეულ რეჟიმში, მთავარ გუნდთან ერთად იწყებენ ვარჯიშს.
აღსანიშნავია ისიც, რომ მსგავსი სიტუაციაა სადილობის შემთხვევაშიც – რეშფორდსა და ვარელას მთავარი გუნდის წევრებთან ერთად არ შეუძლიათ სადილობა.
მადრიდის “რეალმა” “მანჩესტერ იუნაიტედიდან” კიდევ ერთი ფეხბურთელი დაიმატა. “სამეფო კლუბმა” 21 წლის მცველი გილერმო ვარელა ინათხოვრა.
ურუგვაის ახალგაზრდული ნაკრების ფეხბურთელი “რეალის” მეორე გუნდში ითამაშებს, რომელსაც ზინედინ ზიდანი თავკაცობს.
გილერმო ვარელა მადრიდულ კლუბში ერთ სეზონს დაჰყოფს.
ურუგვაელი ფეხბურთელი “წითელი ეშმაკების” ღირსებას გასული სეზონიდან იცავს. დევიდ მოიესმა “მანჩესტერ იუნაიტედის” თავკაცის რანგში პირველად სწორედ ვარელა დაიმატა, თუმცა ახალგაზრდა მცველმა პირველ გუნდში დაწინაურება ვერ შეძლო. სამაგიეროდ, ვარელა მანჩესტერელთა სარეზერვო გუნდში იყო შეუცვლელი მოთამაშე.
