“ჰალის სიტის” მფლობელ ასემ ალამს კლუბისთვის სახელის გადარქმევა და “ჰალ ტაიგერსის” დარქმევა სურდა, თუმცა ინგლისის ფეხბურთის ასოციაციამ ეგვიპტელ ბიზნესმენს ამის ნებართვა არ მისცა. ამ აკრძალვის გამო, ალამმა კლუბის გაყიდვა გადაწყვიტა.
“ბოლო პერიოდში უამრავი ჭორი გავრცელდა, ამიტომ გადავწყვიტე პრესკონფერენციის ჩატარება, რათა ყველაფერი აგიხსნათ.
მიმდინარე წლის დასაწყისში განვაცხადეთ, რომ კლუბს გასაყიდად გავიტანდით, თუ მისთვის “ჰალ ტაიგერსის” დარქმევის უფლებას არ მოგვცემდნენ. ფეხბურთის ასოციაციამ გადაწყვეტილება 9 აპრილს გამოიტანა, უკვე 10 აპრილს კი განვაცხადეთ, რომ “ჰალ სიტი” იყიდება. ლოზანის სპორტულ საარბიტრაჟო სასამართლოში ფეხბურთის ასოციაციის გადაწყვეტილების გასაჩივრების გადაწყვეტილებაც მივიღეთ”, – ციტირებს “ჰალ სიტის” 75 წლის მფლობელის სიტყვებს BBC.