„რომასთან“ ფრედ 0:0 დასრულებულ მატჩში „მილანის“ თავდამსხმელმა ჯერემი მენეზმა მეტოქეს ბრწყინვალე გოლი გაუტანა. მართალია, ფრანგმა ეს უკვე გვერდითა მსაჯის მხრიდან თამაშგარე მდგომარეობის დაფიქსირების შემდეგ გააკეთა, თუმცა დარტყმა მას ნამდვილად ჩინებული გამოუვიდა.
რამდენიმე წამში სასტვენის შემდეგ დარტყმისთვის მენეზმა მთავარი მსაჯისგან ყვითელი ბარათიც მიიღო.
წარმოგიდგენთ ამ ეპიზოდის ამსახველ ვიდეოს:
„მილანის“ თავდამსხმელი ჯერემი მენეზი თავის ერთ-ერთ ბოლო ინტერვიუში წარსული გაიხსენა.
„როდესაც 16 წლის ვიყავი, „მანჩესტერ იუნაიტედში“ გადასვლაზე უარი ვთქვი, ჩემით ფერგიუსონი ინტერესდებოდა. მაშინ ვიფიქრე, რომ ჩემი დიდ კლუბში თამაშის დრო ჯერ არ დამდგარა. არ ვამბობ, რომ ცუდი გადაწყვეტილება მივიღე. არ ვიცი, ჩემი კარიერა შემდგომ როგორ განვითარდებოდა. შესაძლოა, ყველაფერი უკეთესადაც კი ყოფილიყო.
რომ არა ფეხბურთი, შესაძლოა, ახლა ციხეში ვყოფილიყავი. სწორედ იქ მოხვდა „ბანლიედან“ ჩემი ბევრი მეგობარი, რისი მიზეზიც ქურდობა და ნარკოტიკები იყო. მსგავს სიტუაციაში მოხვედრა ადვილია, თუ ახალგაზრდა ხარ, თუმცა ფული არ გაგაჩნია“, – განუცხადა მენეზმა „La Gazzetta dello Sport“-ს.
„მილანის“ მთავარმა მწვრთნელმა ფილიპო ინძაგიმ ბოლო პრესკონფერენციაზე ჯერემი მენეზთან დაკავშირებულ კითხვას საინტერესოდ უპასუხა.
– პარიზში ამბობდნენ, რომ მენეზს კარგი თამაშისთვის სიყვარული სჭირდება…
„თუ ეს ასეა, მაშინ ჩვენ უნdა დავქორწინდეთ“, – ღიმილით განაცხადა სუპერპიომ.
შეგახსენებთ, რომ სერია ა-ს 2014/15 წლების სეოზნის გათამაშებაში მენეზმა სამი შეხვედრა ჩაატარა და 3 გოლის გატანაც მოასწრო.
