“რეალის” ყოფილმა ფორვარდმა, უგო სანჩესმა მადრიდულ კლუბში გარეთ ბეილის როლზე ისაუბრა და კრიშტიანუ რონალდუც ახსენა.
“ბეილი გამოცდილებას იძენს და თანდათან უფრო მოწიფული ხდება. ნათელია, რომ მას ესმის თუ რას ნიშნავს “რეალში” თამაში. ამავდროულად მან უნდა მიიღოს ის ფაქტი, რომ კლუბის ლიდერი რონალდუა. მაგრამ თავის მხრიხ კრიშტიანუმ ლიდერობა ბეილთან უნდა გაინაწილოს, რათა პორტუგალიელის არყოფნის პერიოდში პირველი ნომერი სწორედ უელსელი იყოს” – განაცხადა მექსიკელმა.
მადრიდის ”რეალის” ლეგენდარულმა ფეხბურთელმა, უგო სანჩესმა დი მარიასა და ალონსოს წასვლაზე გააკეთა კომენტარი.
”კლუბის შიდა სამზარეულოში ჩახედული არ ვარ, ასე რომ დი მარიასა და ალონსოს წასვლა, გუნდს რამდენად დაეტყობა ვერ გეტყვით. კლუბს ხარჯები დაუგროვდა და მათი გაყიდვა აუცილებელი გახდა. ”რეალმა” მიმდინარე წლის სატრანსფერო ბაზარზე დიდი ფული დახარჯა და უბრალოდ შეუძლებელი იყო სრული შემადგენლობით გაეგრძელებინა სეზონი. ეს ფეხბურთის მათემატიკაა. ყველაფერი ხელმძღვანელობაზეა დამოკიდებული.”
”ვფიქრობ, რომ ანჩელოტის, დი მარიას და ალონსოს დარჩენა სურდა. პირველ რიგში დი მარიასი, რადგან ალონსოს შეცვლის უამრავი ვარიანტი ჰქონდა, დი მარია კი ”რეალის” შემადგენლობაში ერთ-ერთი საუკეთესო იყო.” – განაცხადა უგო სანჩესმა.
