გერმანიის ბუნდესლიგის VI ტურში ფრანკფურტის “აინტრახტმა” სტუმრად “ჰამბურგი” ანგარიშით 2:1 დაამარცხა. გამარჯვებს გოლი 90-ე წუთზე საჯარიმო დარტყმით ლუკას პიაზონმა გაიტანა. ახალგაზრდა ბრაზილიელი ფეხბურთელი მოედანზე 86-ე წუთზე შევიდა, 4 წუთში კი დაახლოებით 30 მეტრის დისტანციიდან საჯარიმო დარტყმა შეასრულა და გაიტანა.
“აინტრახტის” მთავარ მწვრთნელ ტომას შააფს პიაზონის მიერ გატანილი ულამაზესი გოლი სულაც არ გაჰკვირვებია.
“ლუკასი ასეთ ჯარიმებს ვარჯიშებზე ასრულებს. ასე რომ, ეს შემთხვევით გატანილი ბურთი არ გახლავთ”, – აღნიშნა ფრანკფურტელთა თავკაცმა.
გთავაზობთ პიაზონის მიერ გატანილი გოლის ამსახველ ვიდეომასალას.