“მილანის” გენერალურმა დირექტორმა ადრიანო გალიანიმ განაცხადა, რომ გუნდის 28 წლის თავდამსხმელი ლუის ადრიანო არ იყიდება.
“ლუის ადრიანო მრავალ შემოთავაზებას იღებს, მათ შორის ბრაზილიელს “გალათასარაიც” ეპატიჟება, თუმცა იგი არ იყიდება”, – ციტირებს გალიანის სიტყვებს Football Italia.
ლუის ადრიანომ იტალიის ჩემპიონატის მიმდინარე გათამაშებაში ჩატარებულ 18 მატჩში სამი გოლი გაიტანა.
უეფას ჩემპიონთა ლიგის ჯგუფურ ეტაპზე დონეცკის “შახტარმა” ლვოვში ბორისოვის “ბატე” ანგარიშით 5:0 გაანადგურა. აღნიშნულ შეხვედრაში უკრაინული გუნდის ბრაზილიელმა თავდამსხმელმა ლუის ადრიანომ ჰეთ-თრიკი შეასრულა.
ამრიგად, ლუის ადრიანოს ჩემპიონთა ლიგის ჯგუფურ ეტაპზე ცხრა გოლი მოუგროვდა, უწინდელი რეკორდის გამეორებაა. იგი მეორე მოთამაშეა, რომელმაც ტურნირის ჯგუფურ სტადიაზე ცხრა გოლის გატანა შეძლო. 2013/14 წლების სეზონში ანალოგური შედეგი მადრდის “რეალის” ლიდერმა კრიშტანუ რონალდუმ აჩვენა, თუმცა აღსანიშნავია, რომ ლუის ადრიანოს წლევანდელი გათამაშების ჯგუფურ ეტაპზე კიდევ ორი მატჩი აქვს ჩასატარებელი.
შეგახსენებთ, რომ ბრაზილიელმა ფეხბურთელმა ბელორუსში “ბატეს” წინააღმდეგ გამართულ მატჩში სუპერპოკერი შეასრულა, ერთი გოლი კი “პორტუს” გაუტანა.
ჩემპიონთა ლიგის ჯგუფური ეტაპის მესამე ტურში დონეცკის “შახტარი” ბორისოვის “ბატეს” დაუპირისპირდა და მეტოქე ანგარიშით 7:0 გაანადგურა. აღნიშნულ შეხვედრაში უკრაინული გუნდის 27 წლის ბრაზილიელმა თავდამსხმელმა ლუის ადრიანომ სუპერპოკერი შეასრულა ანუ ხუთი გოლი გაიტანა (ორი პენალტით), რითაც “ბარსელონას” ლიდერ ლიონელ მესის რეკორდი გაიმეორა.
შეგახსენებთ, რომ კატალონური გუნდის არგენტინელმა ფეხბურთელმა 2012 წლის მარტში ჩემპიონთა ლიგის მერვედფინალურ ეტაპზე ლევერკუზენის “ბაიერს” ხუთი ბურთი გაუტანა და გახდა პირველი მოთამაშე, რომელმაც ევროპის საკლუბო ფეხბურთის ყველაზე პრესტიჟულ ტურნირზე ასეთი რამ გააკეთა. მაშინ “ბარსელონამ” “ბაიერი” ანგარიშით 7:1 დაამარცხა.
