საფრანგეთის ნაკრების ყოფილმა ნახევარმცველმა რობერ პირესმა კარიერის დასრულების შესახებ განაცხადა. 42 წლის ფეხბურთელი ფეხბურთიდან 2011 წელს წავიდა, თუმცა სამი წლის შემდეგ კარიერა განაახლა და ინდური “გოასთვის” ირჯებოდა.
“დროა, კარიერა დავასრულო და გზა ახალგაზრდებს დავუთმო”, – ციტირებს პირესის სიტყვებს “ლეკიპი”.
თავის დროზე რობერ პირესი “მეცის”, “მარსელის”, “არსენალის”, “ვილიარეალისა” და “ასტონ ვილას” ღირსებას იცავდა. იგი საფრანგეთის ნაკრების შემადგენლობაში 1998 წელს მსოფლიოს, ხოლო 2000 წელს ევროპის ჩემპიონი გახდა.
