ჭდე: ჰაკან ჩალჰანოღლუ

Funke Sport-ის მიერ გავრცელებული უახლესი ინფორმაციის მიხედვით, “ბაიერ ლევერკუზენის” თურქი ნახევარმცველი, ჰაკან ჩალჰანოღლუ შესაძლოა, “მილანში” აღმოჩნდეს.

როგორც ცნობილი ხდება, იტალიური გრანდის ხელმძღვანელები სერიოზულად არიან დაინტერესებულნი 23 წლის ფეხბურთელის გადაბირებით, რომელიც კარგა ხანია, რაც გერმანულ ბუნდესლიგაში გამოდის.

Sky Sport Italia-ს ჟურნალისტის, ჯანლუკა დი მარციოს ცნობით, “როსონერი” მზადაა ჰაკან ჩალჰანოღლუს ტრანსფერში 20-30 მილიონი ევრო გადაიხადოს.

გეტყვით იმასაც, რომ თურქ ფეხბურთელს თებერვლის შემდეგ არ უთამაშია – ის ფიფას მიერ არის დასჯილი სატრანსფერო წესების დარღვევისთვის.