ინდონეზიური კლუბების — “სლემანისა” და “სემარანგის” თორმეტი მოთამაშე ერთ მატჩში გატანილი ხუთი ავტოგოლის გამო დისკვალიფიკაციით დასაჯეს.
“სლემანსა” და “სემარანგს” შორის გამართული შეხვედრა ანგარიშით 3:2 დასრულდა. ჯერ მასპინძლებმა გაიტანეს ორი ავტოგოლი, რასაც სტუმრებმა სამი ავტოგოლით უპასუხეს. აღსანიშნავია, რომ ბოლო სამი ავტოგოლი მატჩის უკანასკნელ სამ წუთში გავიდა.
ინდონეზიური ფეხბურთის ხელმძღვანელებს ეჭვი აქვთ, რომ გუნდები წაგებას “პუსამანია ბორნეოსთან” დაპირისპირების თავიდან ასარიდებლად ცდილობდნენ. ამ უკანასკნელ გუნდს კრიმინალური სამყაროს წარმომადგენლები უჭერენ მხარს.
