ჭდე: სანაძე

დუდა სანაძის “სან დიეგომ” გასვლითი ტურნის დასრულების შემდეგ საშინაო მატჩი “სეინთ მერისთან” გამართა და იოლი გამარჯვება მოიპოვა. “სენტ მერი” “ვესთ ქოუსთის” დივიზიონში 6 მოგებით მე-3 ადგილზეა, თუმცა სანაძის გუნდს გამარჯვება არ გასჭირვებია – მეტოქე 61:43 გაანადგურა. კალიფორნიელთა გამარჯვებაში ქართველ უკანახაზელს დიდი წვლილი მიუძღვის – სანაძე ბომბარდირი ვერ გახდა, თუმცა სარგებლიანობით თავის გუნდში ერთ-ერთი პირველი იყო.

საქართველოს ნაკრების წევრი ტრადიციულად სასტარტო ხუთეულში გახლდათ და მოედანზე 29 წუთი გაატარა. სანაძემ 6-დან 2 ორქულიანი, 4-დან 2 სამიანი და 4-დან 4 საჯრიმო ჩააგდო. მოგროვებულ 14 ქულას დუდამ 5 მოხსნა, 3 პასი და 1 ჩაჭრა მოაყოლა, ბურთი კი მხოლოდ ერთხელ დაკარგა. მატჩი პირდაპირ ეთერში “ESPN”-მა გადასცა და ქართველის ქებული გარჯაც ათიათასობით ამერიკელმა ნახა.

სანდიეგოელთა შორის ბომბარდირი ჯონი დი გახდა 17 ქულით, დენის კრამერმა კი “ტორეროსს” 14 ქულა და 8 მოხსნა შეაშველა. დამარცხებულთაგან ბრედ უალდოუმ 18 ქულა დაგროვა მაგრამ ამით “სეინთ მერის” ვერაფერი უშველა.

სანდიეგოელებმა კონფერენციაში მე-4 გამარჯვება მოიპოვეს და ცხრილში მე-6 ადგილზე მყოფ “პორტლენდს” გაუთანაბრდნენ. მომდევნო 3 მატჩს სანაძის გუნდი შინ ჩაატარებს, რომელთაგანაც პირველს, 15 თებერვალს, ბოლო ადგილზე მყოფ “პასიფიკთან” გამართავს.

 gbf.ge

“სან დიეგო ტორეროსმა” სტუმრად “პორტლენდი” დაამარცხა. დუდა სანაძის გუნდმა საკმაოდ მძლავრ მეტოქეს დაძაბულ ბრძოლაში – 65:63 სძლია. ეს ის “პორტლენდია”, ლიდერ “გონზაგას” “ვესტ ქოუსთის” კონფერენციაში ამ სეზონში ერთადერთი მარცხი რომ აწვნია.

მატჩის ბედი ბოლო წამებზე გადაწყდა. სანდიეგოელებმა გამარჯვება დიდი ბრძოლის შედეგად მოიპოვეს. ქართველი ლეგიონერი სასტარტო ხუთეულში იყო, თუმცა მოედანზე 23 წუთზე მეტი არ გაუტარებია. სანაძემ მთლიანობაში 8 ქულა, 4 მოხსნა და 1 ჩაჭრა დააგროვა, ბურთი კი 5-ჯერ დაკარგა და მისი შედარებით მცირე ხნით თამაშის მიზეზიც ეს უნდა იყოს.

არადა, დუდამ შეტევაში შედეგიანობა გამოავლინა და ის 8 ქულა, რაც მთლიანობაშ მოაგროვა, 5 წუთის ინტერვალში მიითვალა. სანაძემ 3-დან 1 ოქრულიანი და 4-დან 2 სამიანი ჩააგდო. საუკეთესო ჯონი დი გახდა, რომელმაც წინა მატჩის მსგავსად, სამქულიანი არ ააცილა. დიმ 2 დღის წინ “გონზაგასთან” 3-დან 3 სამქულიანი ჩააგდო, ამჯერად კი პორტლენდელებს 4-დან 4 ჩაუგდო. მის ანგარიშზე საბოლოოდ 21 ქულა დაგროვდა, მეორე მექულე კი დენის კრამერი გახდა 15 ქულა-10 მოხსნით.

“სან დიეგო” ამ გამარჯვების შემდეგ კონფერენციაში მე-7 ადგილზე გადავიდა. მომდევნო მატჩი სანაძის გუნდს 30 იანვარს, სან დიეგოში, კონფერენციაში მეორე ადგილზე მყოფ “სეინთ მერისთან” ელის.

gbf.ge

ამერიკის სტუდენტურ ლიგაში კონფერენციის მატჩები დაიწყო. თუკი აქამდე გუნდები არეულად თამაშობდნენ, ნებისმიერი ნებისმიერს შეიძლება შეხვედროდა, დღეიდან ყველა საკუთარ კონფერენციაში ისპარეზებს. დუდა სანაძის “სან დიეგომ” აქამდე გამართული 13 არასაკონფერენციო მატჩიდან 9 მოიგო, დღეს კი “ვესთ ქოუსთის” კონფერენციის პირველივე  მატჩში “პეპერდაინთან” დამარცხდა – 64:75.

შეხვედრა “პეპერდაინის” მოედანზე, მზიან მალიბუში გაიმართა. მასპინძლებს 12 არასაკონფერენციო მატჩიდან მხოლოდ 7 მოგება ჰქონდათ, თუმცა უკეთესი შედეგის მქონე სანდიეგოელების დამარცხება არ გასჭირვებიათ. მასპინძლებმა თავიდანვე მოიპოვეს ლიდერობა და თუ არ ჩავთვლით მეორე ტაიმის პირველ ნახევარს, დამაჯერებლად ლიდერობდნენ.

10 ქულით ჩამოჩენილმა “სან დიეგომ” მეორე ტაიმის დასაწყისში შტურმი წამოიწყო და დაწინაურდა (53:52) კიდეც, თუმცა მასპინძლებმა მალევე დაალაგეს თამაში და ლიდერობა კვლავ 10 ქულამდე გაზარდეს. მატჩი ისე ჩამთავრდა, რომ სანდიეგოელებს მოგების შანსი აღარ გასჩენიათ.

სანაძემ სასტარტო ხუთეულში ითამაშა და მოედანზე გატარებულ 34 წუთში 10 ქულა, 2 მოხსნა, 1 პასი და 1 დაფარება მიითვალა, ბურთი კი 3-ჯერ დაკარგა. ქართველმა უკანახაზელმა 7-დან 2 ორქულიანი და 5-დან 2 სამიანი ჩააგდო. სანდიეგოელთა შორის 26 ქულით საუკეთესო ჯონი დი იყო, დენის კრამერმა კი 13 მოაგროვა. გამარჯვებულ პეპერდაინელებს 20 ქულით მალკოლმ ბრუკსმა ულიდერა.

მომდევნო მატჩს “სან დიეგო” 30 დეკემბერს, სტუმრად “ლოიოლა ლაიონსთან” გამართავს.

gbf.ge