„მაიამი ჰიტის“ პრეზიდენტმა პეტ რაილიმ განაცხადა, რომ მოედანზე ფორვარდ კრის ბოშის დაბრუნებასთან დაკავშირებით გადაწყვეტილება მხოლოდ ექიმებთან კონსულტაციის შემდგომ მიიღება.
ჯანმრთელობასთან დაკავშირებული პრობლემების გამო კალათბურთლმა „ოლ სტარში“ თამაში იუარა.
ექიმები კალათბურთელს რეგულარული ჩემპიოანტის დარჩენილი ნაწილის გამოტოვებას ურჩევენ, რის გამო ბოშის, რაილისა და სამედიცინო სპეციალისტების შეხვედრა დაიგეგმა.
„მაიამი ჰიტის“ ფორვარდი კრის ბოში ტორონტოში ჩასატარებელ „ოლ სტარის“ მატჩს გამოტოვებს, რის შესახებ „იაჰუ სპორტსი“ იუწყება. ამის მიზეზი ტრავმაა, რომელიც კალათბურთელმა გუშინ მიიღო. აღმოსავლეთ კონფერენციის გუნდში კრისის ადგილს „ატლანტა ჰოუქსის“ კალათბურთელი ელ ჰორფორდი დაიკავებს.
აღსანიშნავია, რომ ჰორფორდისთვის კარიერაში ეს მეოთხე „ყველა ვარსკვლავის მატჩი“ იქნება. აქამდე მას 2010, 2011 და 2015 წლის „ოლ სტარებში“ უთამაშია.
მიმდინარე სეზონის 55 შეხვედრაში ჰორფორდის საშუალო მონაგარი სათამაშო დროის 31,3 წუთში 15,3 ქულას, 6,9 მოხსნასა და 3,1 გადაცემას შეადგენს.
„მაიამი ჰიტის“ ფორვარდმა კრის ბოშმა, შესაძლოა, სეზონის დარჩენილი ნაწილი ფილტვების პრობლემების გამო გამოტოვოს, რის შესახებაც „Miami Herald“-ი იტყობინება.
აქამდე გავრცელებული ინფორმაციით, ბოში საავადმყოფოში გრიპის სიმპტომებით გადაიყვანეს. კალათბურთელმა თავი ცუდად ჯერ კიდევ ოლ სტარის მატჩის მიმდინარეობისას იგრძნო და ოთხშაბათამდე მისი ჯანმრთელობის მდგომარეობა უკეთესობისკენ არ შეცვლილა. კრისმა თანაგუნდელებთან ვარჯიშიც ვერ შეძლო, რის შემდეგაც, ექიმის რეკომენდაციით, იგი საავადმყოფოში გადაიყვანეს.
მეტი ინფორმაცია ამ ეტაპზე უცნობია.
ვაგრძელებთ ეროვნული საკალათბურთო ასოციაციის ოლ სტარის მონაწილეთა სეზონის საუკეთესო ეპიზოდების ჩვენებას. ამჯერად წარმოგიდგენთ „მაიამის“ ლიდერის კრის ბოშის გამორჩეულ მომენტებს.
„მაიამი ჰიტის“ ცენტრმა კრის ბოშმა „ჩიკაგო ბულზთან“ მატჩში 20 ქულა დააგროვა, რითაც მისმა კარიერულმა მაჩვენებელმა 16 014 ქულას მიაღწია. აქედან გამომდინარე, ბოშმა დერეკ ჰარპერსა და რაშიდ უოლესს გაუსწრო და ლიგის ისტორიაში საუკეთესო ბობმარდირთა შორის 99-ე ადგილზე ავიდა.
ამჟამად, ბოშის მსგავსად, 20 000 ქულას ტონი პარკერმა (16 502 ქულა), ელტონ ბრენდმა (16 711 ქულა), პაუ გაზოლმა (17 350 ქულა), სტივ ნეშმა(17 387 ქულა), შონ მერიონმა (17 650 ქულა), ჯეისონ ტერიმ (17 760 ქულა), ჯო ჯონსონმა (17 823) და დუეინ უეიდმა (18 193 ქულა) ვერ მიაღწიეს.
„მაიამი ჰიტის“ ფორვარდმა კრის ბოშმა „პორტლენდ ტრეილ ბლეიზერსთან“ მარცხის შემდეგ აღნიშნა, რომ მიმდინარე სეზონში მისი გუნდი პირველი მეოთხედის შემდეგ ცუდად თამაშობს.
„ბლეიზერსთან“ შეხვედრაში გასული სეზონის ფინალისტი 24 წუთის შემდეგ ხუთი ქულით იგებდა, თუმცა შემდგომ მესამე მეოთხედში ანგარიშით 16:33 დამარცხდა.
„ჩვენ ლიგის საუკეთესო გუდნთა ოთხეულში ვიქნებოდით, თუ პირველი მეოთხედის შემდეგ აღარ ვითამაშებდით. ჩვენი სატურნირო მაჩვენებელი ფანტასტიკური იყო“, – ციტირებს ბოშს „Sun Sentinel“-ი.
„მაიამი ჰიტის“ ერთ-ერთი ლიდერი კრის ბოშ, რომელმაც ბოლო შვიდი მატჩი ტრავმის გამო გამოტოვა, მოედანზე დაბრუნებასთან ახლოსაა.
30 წლის ფორვარდი რამდენიმე ვარჯიშის ჩატარებას გეგმავს, რათა თავის სრულ გამოჯანმრთელებაში დარწმუნდეს.
მიმდინარე სეზონში კრისმა ფლორიდელთა შემადგენლბოაში 23 შეხვედრა ჩაატარა, მისმა მონაგარმა კი 21,6 ქულა, 8,2 მოხსნა და 2,1 გადაცემა შეადგინა.
„მაიამი ჰიტის“ ფორვარდი კრის ბოში და „გოლდენ სტეიტ უორიორსის“ უკანახაზელი კლეი ტომპსონი დასავლეთ და აღმოსავლეთ კონფერენციების პირველი კვირის საუკეთესო კალათბურთებად დასახელდნენ, რის შესახებაც ეროვნული საკალათბურთო ასოციაციის ოფიციალური ვებსაიტი წერს.
ბოშმა გასული კვირა საშუალოდ 25,7 ქულით, 11,3 მოხსნით, 4 გადაცემითა და 1,3 ჩაჭრით დაასრულა. ტომპსონმა, რომელმაც „უორიორსთან“ ოთხწლიანი მაქსიმალური კონტრაქტი გააფორმა, საშუალოდ 29,7 ქულა, 2,7 მოხსნა, 3 გადაცემა და 1,7 ჩაჭრა მიითვალა.
გასული კვირის საუკეთესო მოთამაშის წოდების კანდიდატთა შორის ასევე ჯეფ ტიგი („ატლანტა“), ჯო ჯონსონი („ბრუკლინი“), პაუ გასოლი („ჩიკაგო“), ლებრონ ჯეიმსი, კევინ ლავი (ორივე „კლივლენდიდან“), ბლეიკ გრიფინი („კლიპერსი“), მარკ გასოლი, ზაკ რენდოლფი (ორივე „მემფისიდან“), ენტონი დევისი („ნიუ-ორლეანი“), კარმელო ენტონი („ნიუ-იორკი“), დემარკუს კაზინსი, რუდი გეი (ორივე „საკრამენტოდან“), დემარ დეროზანი („ტორონტო“) და ჯონ უოლი („ვაშინგტონი“) იბრძოდნენ.
„მაიამი ჰიტმა“ თავის ოფიციალურ საიტზე ფორვარდ კრის ბოშთან კონტრაქტის გაფორმება დაადასტურა.
ამ ეტაპზე მხარეები შეთანხმების დეტალებს არ ამხელენ, თუმცა, როგორც ESPN.com-ი წერს, ხელშეკრულება ხუთ წელიწადზეა გათვლილი, ხოლო კრისის ხელფასი ამ პერიოდში ჯამში 118 მილიონ დოლარს შეადგენს.
30 წლის კალათბურთელმა ბოლო ოთხი სეზონი სწორედ ფლორიდულ კლუბში ჩაატარა და ორი საჩემპიონო ტიტულიც მოიგო.
აქამდე ბოშმა წინა კონტრაქტის პუნქტი გამოიყენა, რომლის მიხედვითაც, ბოლო ორ სეზონზე უარი თქვა.
ESPN.com-ის ინფორმაციით, ლებრონ ჯეიმსის „მაიამი ჰიტიდან“ წასვლის შემთხვევაში, კრის ბოში „ჰიუსტონ როკეტსის“ კალათბურთელი გახდება.
ბოშს ჯეიმსთან თამაშის გაგრძელების სურვილი აქვს, თუმცა ამავე დროს იგი „როკეტსის“ წინადადებას განიხილავს, რომელიც მას 4-წლიან კონტრაქტსა და 88 მილიონ დოლარს სთავაზობს. რაც შეეხება ჯეიმსს, როგორც ცნობილია, იგი კლუბის ხელმძღვანელობას შეხვდა, თუმცა საბოლოო გადაწყვეტილება ჯერ არ მიუღია, რადგან მის დაბრუნებას „კლივლენდ კავალიერსიც“ ცდილობს.
აღსანიშნავია, რომ „ჰიუსტონის“ მდგომარეობა ოთხშაბათს გაუარესდა, როდესაც ჩენდლერ პარსონსმა „დალას მავერიკსთან“ 3-წლიანი 45-მილიონიანი კონტრაქტი გააფორმა. იმ შემთხვევაში, თუ „როკეტსი“ „მავერიკსის“ წინადადებას გაიმეორებს, რაზეც მხოლოდ 3 დღე აქვს, კლუბს ბოშის დამატების შანსი აღარ ექნება.
გარდა ამისა, ადგილის გათავისულებისთვის და კრისისთვის ხელფასის გადახდისთვის „ჰიუსტონს“ ომერ აშიკისა და ჯერემი ლინის გაშვება მოუწევს.
ESPN.com-ის ინფორმაციით, იქედან გამომდინარე, რომ „ჰიუსტონ როკეტსს“ კარმელო ენტონის შეძენის შანსი აღარ აქვს, კლუბის ხელმძღვანელობა მიმდინარე კვირას მხოლოდ კრის ბოშზე გადაერთვება.
თავად ბოშს კი, „მაიამიში“ ლებრონ ჯეიმსთან და დუეტ უეიდთან დარჩენა სურს. ამავე დროს ნაციონალური საკალათბურთო ასოციაციის ოთხგზის ჩემპიონის დუმილი, სავარაუდოდ, იმას ნიშნავს, რომ მას საბოლოო გადაწყვეტილება ჯერჯერობით არ მიუღია.
„მაიამიდან“ წასვლის შემთხვევაში ბოში ახალ კლუბთან მაქსიმალური კონტრაქტის გაფორმებას გეგმავს.
განვლილ სეზონში 30 წლის ფორვარდის მონაგარმა 16,2 ქულა, 6,6 მოხსნა და 1 ბლოკშოთი შეადგინა.
როგორც მგოეხსენებათ, დილით, ნაციონალური საკლთბურთო ასოციაციის ფინალური სერიის მეორე მატჩი გაიმართა, რომელიც „მაიმი ჰიტმა“ ანგარიშთ 96:98 მოიგო.
წარმოგიდგენთ ამ შეხვედრის საუკეთესო ათი ეპიზოდის ამსახველ ვიდეოს:
