დღეს ლა ლიგა სანტანდერის 27-ე ტურის შეხვედრაში კატალონიის “ბარსელონა” მადრიდის “ატლეტიკოს დაუპირისპირდება. გუნდებს შორის დაშორება სულ ხუთი ქულაა. აქედან გამომდინარე, ამ მატჩს დიდი მნიშვნელობა აქვს. კატალონიელთა მთავარმა მწვრთნელმა, ერესტო ვალვერდემ წინასამატჩო პრესკონფერენცია გამართა.
“ეს ლა ლიგის ფინალი არაა. ეს გამარჯვებულისთვის მნიშვნელოვანი სამი ქულა იქნება. თუმცა, საბოლოოდ არცერთი არ დამარცხდება. “ატლეტიკო” თავს კარგად იცავს. ასევე, მათ პრესინგიც შესანიშნავად გამოსდით. განსაკუთრებით კარგად ამას ისინი თამაშის დასაწყისში აკეთებენ. ჩვენ ორ ძლიერ გუნდს წარმოვადგენთ და სამი ქულა ძალიან გვინდა.”
“მსაჯობა? არ ვფიქრობ, რომ რეფერის ვინაობა ჩვენზე გავლენას იქონიებს. წინა მატჩში გაბრაზებამ ახლა დადებითად იმოქმედა და უფრო ძლიერები გაგვხადა. შესაბამისად, მხოლოდ იმაზე ვართ კონცენტრირებულნი, რომ ჩვენს სტილში ვითამაშოთ და წარმატებას მივაღწუოთ,” – ამბობს ვალვერდე.
