ვან გაალი: „ფალკაოს აზრი არ მაინტერესებს“

„მანჩესტერ იუნაიტედის“ მთავარმა მწვრთნელმა ლუი ვან გაალმა კოლუმბიელი თავდამსხმელის რადამელ ფალკაოს შესახებ ისაუბრა.

„ფალკაოს ფორმის აღდგენა სჭირდება. ამჟამად მას თამაში მხოლოდ ოცი წუთის განმავლობაში შეუძლია. პრემიერლიგაში საოცარი სისწრაფეა. მინდოდა, რომ რადამელს მეორე გუნდში ეთამაშა, თუმცა რუნის ტრავმის გამო, იძულებული გავხდი, იგი „საუთჰემპტონთან“ მატჩის განაცხადში შემეყვანა. გადაწყვეტილებების შეცვლა ზოგჯერ მეც მიწევს. არ მადარდებს, უკმაყოფილოა თი არა რადამელი სათადარიგოთა სკამზე დარჩენით, მას ჩემი ფილოსოფიის გათვალისწინება მოუწევს“, – ციტირებს ფეხბურთის ჰოლანდიელ სპეციალისტს „Sky Sport“-ი.