დღეს 10 დეკემბერია — დღე, რომელიც გაერთიანებული ერების ორგანიზაციიის გადაწყვეტილებით მსოფლიო ფეხბურთის დღედ დაწესდა. ასე რომ, დღეს იმ მოვლენის დღეა, რომელიც ბევრისთვის არა მხოლოდ სპორტის ერთ-ერთ სახეობას, არამედ ცხოვრების სტილს ნიშნავს.
პირველად ფეხბურთი, როგორც ფეხით ბურთის თამაში, მეცნიერებმა ჩინეთში აღმოაჩინეს და ის ჩვენს ერამდე მეორე ათასწლეულით თარიღდება. იმ თამაშს “ციუ ჩიუ” ერქვა, რაც ითარგმნება, როგორც “ფეხით ბიძგი”. ფეხბურთის თამაში ჩინელ ჯარისკაცებს კარგი ფიზიკური ფორმის შენარჩუნებაში ეხმარებოდა.
როდის წარმოიშვა ფეხბურთი, ზუსტად არავინ იცის. ბევრის ვარაუდით, ფეხბურთის წინამორბედ თამაშს საქსონები თამაშობდნენ, რომლებიც თანამედროვე ინგლისის ტერიტორიაზე VIII საუკუნეში სახლობდნენ.
სპორტის ამ სახეობის წარმოშობაზე ბევრი ინფორმაცია არ მოგვეპოვება. ვიცით, რომ ეს თამაში ჯერ კიდევ სამი ათასი წლის წინ იყო ცნობილი, თამაშში უძველესი დროიდან იყო კარი და მეკარე. ჯარისკაცები კი მას კარგი ფიზიკური ფორმის შესანარჩუნებლად თამაშობდნენ. კარში ბადე პირველად 1891 წლის მარტში, სამხრეთისა და ჩრდილოეთ ინგლისის ნაკრებებს შორის მატჩში გამოჩნდა.
ფეხბურთს თამაშობდნენ ძველ რომსა და საბერძნეთში დაახლოებით ორი ათასი წლის წინ. საბერძნეთში თამაშს ერქვა “ბრძოლა ბურთით”, რაც გვაძლევს იმის თქმის საშუალებას, რომ თამაშში სხვადასხვა საბრძოლო ილეთებსაც გამოიყენებდნენ.
გილოცავთ მსოფლიო ფეხბურთის საერთაშორისო დღეს!