იტალიური “რომას” კაპიტანი ფრანჩესკო ტოტი აცხადებს, რომ სეზონის დასრულებამდე ჯერ კიდევ დიდი დროა, “ჯალოროსი” კი სკუდეტოსათვის ბოლომდე იბრძოლებს.
შეგახსენებთ, რომ ამჟამად, სერია A-ს ცხრილში პირველ პოზიციას ტურინის “იუვენტუსი” იკავებს, რომელსაც “რომა” მხოლოდ სამი ქულით ჩამორჩება.
“გვინდოდა, 2014 წელი პირველ პოზიციაზე დაგვესრულებინა, მაგრამ ეს არ გამოგვივიდა. სეზონის დასრულებამდე დიდი დროა, ჩვენ სკუდეტოს მოგების კარგი შანსი გვაქვს და ცხადია, ბოლომდე ვიბრძოლებთ”, – ამბობს ტოტი.