რუმინელი თავდამსხმელი ადრიან მუტუ კარიერას, სავარაუდოდ, ინდოეთში გააგრძელებს.
Sport Mediaset-ის ინფორმაციით, 36 წლის ფეხბურთელი “პუნა სიტისთან” ერთწლიან კონტრაქტს გააფორმებს. მუტუს ჯამაგირი წელიწადში 500 ათასი ევრო იქნება.
შეგახსენებთ, რომ ადრიან მუტუ უკანასკნელად რუმინული “პეტროლულის” ღირსებას იცავდა. კარიერის განმავლობაში ფეხბურთელს ისეთ კლუბებში უთამაშია, როგორებიცაა “ჩელსი”, “ინტერი”, “პარმა”, “იუვენტუსი” და “ფიორენტინა”.
რუმინელი თავდამსხმელი ადრიან მუტუ შესაძლოა, “ფიორენტინაში” დაბრუნდეს. “კორიერე ფიორენტინოს” ცნობით, იტალიური კლუბის ხელმძღვანელობამ 35 წლის ფეხბურთელი დასაკვირვებლად ორკვირიანი ვადით მიიწვია.
შეგახსენებთ, რომ მუტუ “ფიორენტინაში” 2006-დან 2011 წლამდე თამაშობდა. ფეხბურთელი უკანასკნელად რუმინული “პეტროლულის” ღირსებას იცავდა.
მიმდინარე წლის ოქტომბრის თვეში ადრიან მუტუს ინდურ “პუნა სიტიში” გადაბარგების შესაძლებლობა ჰქონდა, თუმცა ვიზა მხოლოდ იმის გამო არ მისცეს, რომ საელჩოში ნასვამ მდგომარეობაში მყოფი მივიდა.
