“მანჩესტერ იუნაიტედმა” ესპანელ კიპერ ვიქტორ ვალდესთან კონტრაქტის გაფორმება ოფიციალურად დაადასტურა. მხარეებს შორის 18-თვიანი შრომითი ხელშეკრულება გაფორმდა, რომელიც მოგვიანებით შესაძლოა, ერთი წლით კიდევ გახანგრძლივდეს.
როგორც მოგეხსენებათ, ვალდესმა “ბარსელონა” 2014 წლის ზაფხულში დატოვა. შესაბამისად, ის “წითელ ეშმაკებს” თავისუფალი აგენტის სტატუსით შეუერთდა.
შეგახსენებთ, რომ ბოლო ორი თვის განმავლობაში 32 წლის მეკარე “მანჩესტერ იუნაიტედში” მარჯვენა მუხლზე გადატანილი მძიმე ტრავმის შემდეგ აღდგენით პროცესს გადიოდა.