ლონდონის “არსენალის” ლეგენდა, იან რაიტი “მეთოფეთა” რიგებში მოთამაშე ტეო უოლკოტს “ემირეიტს სტედიუმის” დატოვებას ურჩევს და თვლის, რომ სხვაგან მას უკეთესი მომავალი ელის.
“ვფიქრობ, რომ უოლკოტისთვის უკეთესი იქნება, თუ კლუბს უახლოეს მომავალში დატოვებს. დარწმუნებული არ ვარ, რომ აქ ის რაიმე სახის პროგრესის მიღებას შეძლებს, მითუმეტეს, თუ მხოლოდ თასისა და ევროპა ლიგის მატჩებში ითამაშებს.
ბუნებრივია, მას მაღალ ნოტაზე სურს “არსენალიდან” წასვლა, ეს კი სწორედ რომ შესაფერისი მომენტია. მას “არსენალისთვის” ძალიან ბევრი აქვს გაკეთებული, თუმცა ამას არ უნდა დასჯერდეს და სხვა გეგმებზე იფიქროს,” – აცხადებს იან რაიტი.
მიმდინარე სეზონში უოლკოტმა მხოლოდ რვა მატჩში შეძლო მონაწილეობის მიღება და ამ დროის მანძილზე თავი სამი გოლითა და ერთი საგოლე გადაცემით გამოიჩინა.
