დღეს მეორე ბუნდესლიგის მე-13 ტურის მატჩები გაიმართა.
ერთ-ერთ შეხვედრაში დრეზდენის “დინამო”, რომელშიც ქართველი ლეგიონერი – აკაკი გოგია გამოდის, საკუთარ მოედანზე ფიურტის “გროიტერს” დაუპირისპირდა.
პირველ ტაიმში, მე-20 წუთზე ანგარიში სწორედ გოგიამ გახსნა. მეორე ნახევარში ისევ ქართველმა ფეხბურთელმა, ამჯერად 86-ე წუთზე მოახერხა თავის გამოჩენა. სტუმართაგან ერთი ბურთის გაქვითვა 90-ეზე დურსუნმა შეძლო.
ამ გამარჯვებით “დინამოს” 22 ქულა აქვს და მე-6 ადგილზეა.
25 ივლისს, “ბრენტფორდსა” და “სტოკ სიტის” შორის გამართულ ამხანაგურ შეხვედრაში ანგარიში 34-ე წუთზე, “ბრენტფორდის” ნახევარმცველმა აკაკი გოგიამ გახსნა.
საქართველოში დაბადებული აკაკი გოგია ზაფხულიდან ინგლისში, “ბრენტფორდის” ღირსებას დაიცავს.
როგორც “ბრენტფორდის” ოფიციალური ვებ-გვერდი იტყობინება, გოგიას ივლისში გერმანიის მესამე ბუნდესლიგის ბინადარ “ჰალეშერთან” კონტრაქტის ვადა ამოეწურება და ის თავისუფალი აგენტი გახდება. შესაბამისად, ინგლისელებიც 23 წლის ფეხბურთელს უფასოდ დაიმატებენ.
შეგახსენებთ, რომ გოგია რუსთავშია დაბადებული. ის 2004 წლიდან “ვოლფსბურგში” ირიცხებოდა, 2011 წელს კი იჯარით “აუგსბურგშიც” იმყოფებოდა. აღსანიშნავია, რომ მას გერმანიის 18 და 19-წლამდელთა ნაკრებებშიც უთამაშია. ბოლო დროს გავრცელებული ინფორმაციის თანახმად, არის იმის შანსი, რომ გოგიამ საქართველოს ეროვნული ნაკრების მაისურიც მოირგოს.
ცნობისთვის, “ბრენტფორდი” ინგლისის ჩემპიონშიპში ასპარეზობს და მიმდინარე სეზონში, ჩემპიონატის ცხრილში მეხუთე პოზიცია დაიკავა.
გერმანიის მესამე ბუნდესლიგის 37-ე ტურში აკაკი გოგიას “ჰალეშერმა” “მაინცის” მეორე გუნდი მიიღო და 1:2 დამარცხდა. გოგია სასტარტოში იყო და შეხვედრა სრულადაც ჩაატარა, თუმცა 84-ე წუთზე მიღებული ყვითელი ბარათის გარდა თავი ვერაფრით გამოიჩინა. გავრცელებული ინფორმაციით, საქართველოში დაბარებული, მაგრამ გერმანიის მოქალაქე გოგია კარიერას ინგლისურთ “ბრეტფორდში” გააგრძელებს.
ამავე ლიგაში საქართველოს ახალგაზრდული ნაკრების კანდიდატის, ლუკას ჰუფნაგელის “უნტერჩაჰინგმა” “პროისენ მიუსტერს” უმასპინძლა და მინიმალური ანგარიშით, 1:0 დაამარცხა. ჰუფნაგელი ტრადიციულად ძირითადში იყო და 63 წუთი ითამაშა.
გერმანიის მესამე ბუნდესლიგის 36-ე ტურში აკაკი გოგიას “ჰალეშერი” “სონენჰოფს” ესტუმრა და მინიმალური სხვაობით დმარცხდა. მასპინძლებმა სტუმრების მიერ პირველ ტაიმში გატანილ გოლს მეორე ნახევარში ორი შედეგიანი დარტყმით უპასუხეს.
აკაკი გოგიამ შეხვედრა “ჰალეშერის” სასტარტოში დაიწყო და მოედანზე 67 წუთი დაჰყო.
36 ტურის შემდეგ “ჰალეშერის” აქტივში 46 ქულა და მე-13 პოზიციაა.
გერმანიის მესამე ბუნდესლიგის 32-ე ტურში დორტმუნდის “ბორუსია 2”-მა ლუკას ჰუფნაგელის “უნტერხაჰინგს” მინიამლური ანგარიშით სძლია.
საქართველოს მოქალაქეობის მქონე ჰუფნაგელი ტრადიციულად ძირითადში იყო და მოედანზე 90 წუთი გაატარა.
ამავე ლიგაში მოასპარეზე აკაკი გოგიას “ჰალეშერმა” “როტ-ვაისს ერფურტს” სტუმრად 2:1 სძლია. ქართველ მოთამაშეს, რომელიც გუნდში გატანილი გოლებით მეორე ადგილზეა, თამაშში მონაწილეობა არ მიუღია.
მესამე ბუნდესლიგის 31-ე ტურის შეხვედრაში “ჰალეშერმა” საკუთარ მოედნაზე “პროისენ მიუსტერს” უმასპინძლა და 3:0 დაამარცხა.
77-ე წუთზე საბოლოო ანგარიში გემრანიის მოქალაქეობის მქონე აკაკი გოგიამ დააფიქსირა, რომელმაც პენალტი ზუსტად შეასრულა. მიმდინარე სეზონში ეს გოგიას მე-10 გოლი გახლდათ.
გერმანიის მესამე ბუნდესლიგის 30-ე ტურის შეხვედრაში “უნტერხაჰინგმა” გათამაშების ერთ-ერთ ლიდერს, “შტუტგარტ კიკერსს” უმასპინძლა და მინიმალური სხვაობით, 1-2 დამარცხდა.
მასპინძელთა შემადგენლობაში საქართველოს ასაკობრივი ნაკრების ყოფილმა მოთამაშემ ლუკას ჰუფნაგელმა მხოლოდ 7 წუთი ითამაშა.
ამავე ლიგაში “ჰალეშერმა” სტუმრად დრეზდენის “დინამოს” დამარცხება შეძლო, თუმცა აკაკი გოგია განაცხადში არ ყოფილა.
13 იანვარს გერმანიაში მე-3 ლიგაში მოასპარეზე “ჰალეშერსა” და პირველი ბუნდესლიგის გუნდ “ჰერტას” შორის ამხანაგური მატჩი გაიმართა. “ჰალეშერის” ძირითად შემადგენლობაში იყო ქართველი შემტევი აკაკი გოგია, რომელმაც 25-ე წუთზე ანგარიში გახსნა, საბოლოოდ კი შეხვედრა მისი გუნდის გამარჯვებით, 3:1 დასრულდა.
იხილეთ გოგიას გოლი 1:59-დან:
