“იუვენტუსის” მცველის, პატრის ევრას მეუღლე ტურინში გაძარცვეს. ინციდენტი ქალაქის ერთ-ერთ ავტოსადგომზე მოხდა. ყაჩაღი სანდა ევრას თავს მაშინ დაესხა, როდესაც ქალბატონი ავტომობილში შეძენილ პროდუქტს ალაგებდა. თავდამსხმელმა ევრას მეუღლეს ჩანთა გასტაცა. ეპიზოდი ავტოსადგომზე დამონტაჟებული სათვალთვალო კამერების ობიექტივში მოხვდა, კადრების შესწავლა უკვე მიმდინარეობს.
იტალიის ჩემპიონატის მიმდინარე გათამაშებაში ევრამ 14 მატჩი ჩაატარა (ყველა სასტარტო შემადგენლობაში), გაიტანა ერთი გოლი და ერთხელ მიიღო ყვითელი ბარათი.