კატალონიის “ბარსელონას” ურუგვაელმა თავდამსხმელმა, ლუის სუარესმა პრესასთან თავისი ყოფილი თანაგუნდელის, ფილიპე კოუტინიოს “ბარსელონაში” გადასვლის შესაძლებლობაზე ისაუბრა.
“რა თქმა უნდა, ვთვლი, რომ კოუტინიოს დამატება “ბარსელონას” მნიშვნელოვნად გააძლიერებს. ფილიპე არის ფეხბურთელი, რომელსაც აქვს საჭირო მონაცემები და ამბიციები, ის ჩვენს სტილს ბრწყინვალედ მოერგება.
მართალია, მან საკმაოდ რთული პერიოდი გამოიარა, მაგრამ ყველაფერთან ერთად, კოუტინიოს უდიდესი პროფესიონალიზმითაც არის დაჯილდოვებული. ის მიმდინარე სეზონშიც შეძლებს იმის დამტკიცებას, თუ რამდენად ძლიერი მოთამაშეა,” – აცხადებს სუარესი.
მიმდინარე სეზონში ფილიპემ 2 გოლისა და 1 საგოლე გადაცემის წყალობით შეძლო “ლივერპულელთათვის” პრემიერ ლიგის 5 მატჩში დახმარების გაწევა.
