დევიდ ბექჰემის 16 წლის შვილი – ბრუკლინი გამოსაშვები გამოცდების შედეგებს ელოდება და სამოდელო ბიზნესითაა დაკავებული.
„ცოტა ხნის წინ მან სამოდელო სააგენტოსთან კონტრაქტი გააფორმა. ამ ინდუსტრიაში მას დიდი პოტენციალი გააჩნია. ის ფოტოგენურია და მაღალანაზღეურებად ვარსკვლავად მოიაზრება. ამჟამად ბრუკლინი ჰოლივუდში სამსახიობო კარიერაზეც ფიქრობს, თუმცა კონტრაქტი ჯერ არ გაფორმებულა“, – ციტირებს სიტუაციასთან დაახლოებულ პირს NDT.
ცნობისთვის, თვითონ დევიდ ბექჰემი რეჟისორ გაი რიჩის ერთ-ერთ ფილმში იღებს მონაწილეობას, რომელიც ეკრანებზე 2016 წლის ივლისში გავა.
