“მარსელის” ახალგაზრდული გუნდის მცველმა გაელ ანდონიანმა სომხეთის მოქალაქეობის მიღების გადაწყვეტილება მიიღო. 21 მარტს ის მოქალაქეობას მიიღებს და ერევანში გაემგზავრება, სადაც სომხეთის ნაკრებს შეუერთდება. 20 წლის ანდონიანს მიმდინარე სეზონში “მარსელის” პირველ გუნდში დებიუტი საფრანგეთის ჩემპიონატის მე-12 ტურში “ლანსის” წინააღმდეგ გამართულ მატჩში (2:1) ჰქონდა.
ანდონიანს საფრანგეთის 16 წლამდე გუნდში 2 მატჩი აქვს ჩატარებული.
ევროპის 2016 წლის ჩემპიონატის საკვალიფიკაციო ეტაპზე სომხეთის ნაკრებს I ჯგუფში მხოლოდ 1 ქულა აქვს და უკანასკნელი პოზიცია უკავია. 29 მარტს სომხები ალბანელებს ეწვევიან.