ვიდეოთამაშ FIFA 2016-ის შემქმნელებმა “სანდერლენდის” ყოფილი ნახევარმცველი ადამ ჯონსონი თამაშიდან ამოშალეს. ამის მიზეზი FIFA 2016-ის მოთამაშეთა თხოვნა გახდა. ამრიგად, 28 წლის ფეხბურთელი სიმულატორში არც “სანდერლენდის” და არც ინგლისის ნაკრების რიგებში აღარ არის.
შეგახსენებთ, რომ სასამართლომ ადამ ჯონსონი არასრულწლოვან გოგონასთან სქესობრივი კავშირის დამყარებაში დამნაშავედ სცნო. 12 ნაფიცი მსაჯულიდან ათმა მათგანმა ფეხბურთელი დამნაშავედ დაასახელა. ადამ ჯონსონს ვერდიქტის გასაჩივრებისთვის რამდენიმე კვირა აქვს. მას ხუთიდან ათ წლამდე პატიმრობა ემუქრება.
ამ ინციდენტის დადასტურების შემდეგ “სანდერლენდმა” ადამ ჯონსონთან კონტრაქტი გაწყვიტა.
