ტურინის “იუვენტუსის” მცველი მარტინ კასერესი გუშინ ავტოავარიაში მოყვა. “კორიერე დელო სპორტის” ცნობით, ურუგვაელი ფეხბურთელი, რომელიც “ფერარით” გადაადგილდებოდა, ავტობუსის გაჩერებას დაეჯახა. ავტომობილი მნიშვნელოვნად დაზიანდა, თუმც თავად კასერესი არ დაშავებულა. ტესტმა ფეხბურთელის სისხლში ალკოჰოლის გადამეტებული შემცველობა აჩვენა, რის გამოც კასერესს მართვის მოწმობა ჩამოერთვა.
მარტინ კასერესისთვის ეს პირველი ავტოავარია არ გახლავთ. გასულ წელს იგი მეტროსადგურის შესასვლელს დაეჯახა.
