მაიკლ ესიენი და კარლტონ კოული ინდონეზიურ “პერსიბ ბანდუნგში” არალეგალურად თამაშობენ, რის გამოც შესაძლოა, სერიოზული პრობლემები შეექმნათ.
ბრიტანული “სანის” ცნობით, კლუბმა ფეხბურთელებისთვის ინდონეზიაში მუშაობისთვის აუცილებელი დოკუმენტების გაფორმება კანონით გათვალისწინებულ ვადებში ვერ მოასწრო.
“პერსიბ ბანდუნგი” აღიარებს, რომ დოკუმენტების გაფორმება მართლაც დაგვიანდა, თუმცა დასძენს, რომ ფეხბურთელებმა ინდონეზიის ლიგაში თამაშის უფლება მიიღეს.
ინდონეზიის კანონდმებლობის თანახმად, მაიკლ ესიენი და კარლტონ კოული შესაძლოა, ხუთი წლით თავისუფლების აღკვეთით დაისაჯონ და ჯარიმის სახით 30 ათასი ფუნტ სტერლინგი დაეკისროთ.
“პერსიბ ბანდუნგი” შექმნილი მდგომარეობის გამოსწორებას ცდილობს.
