კრისტიან პანუჩიმ, რომელიაც ამჟამად “ლივორნოს” დამრიგებელია, მადრიდის “რეალის” თამაში შეაფასა და “სამეფო კლუბის” სუსტ წერტილს გაუსვა ხაზი. თავის დროზე პანუჩი “რეალის” ღირსებას იცავდა და მადრიდულ კლუბთან ერთად 1998 წელს ჩემპიონთა ლიგის მოგებაც შეძლო.
“რეალი ძალიან მაღალი კლასის გუნდია, მაგრამ მადრიდელთა მთავარი პრობლემა დაუბალანსებელი ნახევარდაცვაა. ლუკა მოდრიჩის არყოფნის დროს გუნდი უბრალოდ იშლება” – განაცხადა პანუჩიმ.
შეგახსენებთ, რომ 2014/15 წლების სეზონის დასრულების შემდეგ “რეალის” ხელმძღვანელობამ კლუბის მთავარი მწვრთნელის პოსტიდან კარლო ანჩელოტი დაითხოვა, რომელსაც “ნაპოლის” ყოფილი თავკაცი რაფაელ ბენიტესი შეცვლის.
