მილანის “ინტერის” მცველი ჟოაო მირანდა კარიერას ჩინეთში გააგრძელებს. ბრაზილიელმა ფეხბურთელმა “ცზიანსუ სუნინს” მიაშურა. ტრანსფერი უკვე ოფიციალურად დადასტურდა.
უცხოური პრესის თანახმად, 34 წლის ფეხბურთელს ჩინურ კლუბში ანაზღაურების სახით წელიწადში ხუთი მილიონი ევრო ექნება.
შეგახსენებთ, რომ ჟოაო მირანდა “ინტერში” 2015 წლიდან თამაშობდა. მან იტალიის სერია A-ს გასულ გათამაშებაში 14 მატჩი ჩაატარა.
ცნობისათვის, “ცზიანსუ სუნინი” მადრიდის “რეალიდან” გარეტ ბეილის გადმობირებაზეც მუშაობს.
მადრიდის “ატლეტიკოს” მცველი მირანდა მილანის “ინტერში” გადასვლასთან ახლოს არის.
“სპორტ მედიასეტის” ცნობით, მხარეებს შორის შეთანხმება უკვე მიღწეულია. “ნერიაძური” მირანდასთან სამწლიან კონტრაქტს გააფორმებს. 30 წლის ბრაზილიელი ფეხბურთელი ჯამაგირის სახით წელიწადში 2,5 მილიონ ევროს მიიღებს.
გასულ სეზონში მირანდამ 36 მატჩი ჩაატარა, სამი გოლი გაიტანა და ერთი საგოლე გადაცემა გააკეთა.
ლონდონის “ჩელსის” ტექნიკური დირექტორი მაიკლ ემენალო ესპანეთის პრიმერადივიზიონის 31-ე ტურში “მალაგასა” და მადრიდის “ატლეტიკოს” შორის გამართულ მატჩს (2:2) დაესწრო.
“ასის” ცნობით, ემენალო მადრიდელთა მცველ ჟოაო მირანდას დააკვირდა. წყაროს თანახმად, 30 წლის ფეხბურთელს ლონდონელები ერთ-ერთ მთავარ სატრანსფერო მიზნად თვლიან.
მიმდინარე სეზონში მირანდამ 18 მატჩი ჩაატარა (ყველა სასტარტო შემადგენლობაში), სამი გოლი გაიტანა, ხუთჯერ ყვითელი ბარათი მიიღო და ერთხელ მოედნიდანაც გააძევეს.
