მილანის “ინტერის” თავდამსხმელი სტევან იოვეტიჩი უახლოეს პერიოდში “სევილიას” შეუერთდება.
მონტენეგროელი ფეხბურთელი აგენტთან ერთად უკვე გაეშურა ანდალუსიაში, რისი ამსახველი ფოტომასალაც თავადვე გამოაქვეყნა სოციალურ ქსელში.
პრესაში გავრცელებული ინფორმაციის თანახმად, სტევან იოვეტიჩის დამატებით თავად “სევილიას” მთავარი მწვრთნელი ხორხე სამპაოლი გახლავთ დაინტერესებული. მოსალოდნელია, რომ ანდალუსიური კლუბი 27 წლის თავდამსხმელს სეზონის ბოლომდე იჯარის წესით აიყვანს.
მილანის “ინტერის” თავდამსხმელმა სტევან იოვეტიჩმა განაცხადა, რომ სკუდეტოს მოპოვების შანსებზე საუბარი ჯერ ადრეა.
“ველოდით, რომ სეზონს კარგად დავიწყებდით, თუმცა ალბათ, ასეთ დიდებულ სტარტზეც არ გვიფიქრია. ცხრილის სათავეში ყოფნა ძალიან კარგია და გვინდა, რომ ამ პოზიციაზე რაც შეიძლება დიდხანს დავრჩეთ.
სეზონი სულ ახლახან დაიწყო. კიდევ უფრო უნდა გავძლიერდეთ.
ჩვენი მთავარი მიზანი სამეულში მოხვედრაა. ჯერჯერობით სკუდეტოზე საუბარს აზრი არ აქვს. ვნახოთ, რა იქნება მომავალში”, – იოვეტიჩის კომენტარი “ინტერის” ოფიციალურ ვებგვერდზე გამოქვეყნდა.
Sky Sport Italia-ს თანახმად, მილანის “ინტერმა” “მანჩესტერ სიტისთან” სტევან იოვეტიჩის ტრანსფერთან დაკავშირებით შეთანხმებას მიაღწია.
წყაროს ცნობით, 25 წლის მონტენეგროელი ფეხბურთელი ერთწლიანი იჯარით “ნერიაძურიში” ითამაშებს, სეზონის ბოლოს კი მილანელებს 15 მილიონი ევროს სანაცვლოდ მისი სრულად გამოსყიდვაც შეეძლებათ.
შეგახსენებთ, რომ სტევან იოვეტიჩს იტალიის სერია A-ში თამაშის გამოცდილება აქვს. იგი “ფიორენტინას” ღირსებას იცავდა.
ინგლისის პრემიერლიგის გასულ სეზონში იოვეტიჩმა 17 მატჩი ჩაატარა და ხუთი გოლი გაიტანა.
“მანჩესტერ სიტის” თავდამსხმელი სტევან იოვეტიჩი კარიერას, სავარაუდოდ, მილანის “ინტერსი” გააგრძელებს.
ავტორიტეტული იტალიური გამოცემა “ლა გაძეტა დელო სპორტი” იუწყება, რომ მხარეებმა ტრანსფერის თაობაზე შეთანხმებას მიაღწიეს. წყაროს თანახმად, 25 წლის ფეხბურთელი “ნერიაძურისთან” ოთხწლიან კონტრაქტს გააფორმებს, თუმცა ფინანსური დეტალები ჯერჯერობით არ ხმაურდება.
შეგახსენებთ, რომ იოვეტიჩისთვის იტალიის სერია A უცხო არ არის. მონტენეგროელი ფორვარდი 2008–2013 წლებში “ფიორენტინაში” თამაშობდა.
გასულ სეზონში სტევან იოვეტიჩმა ინგლისის პერმიერლიგაში 17 მატჩი ჩაატარა და ხუთი გოლი გაიტანა.
Football Italia-ს ცნობით, მილანის “ინტერი” “მანჩესტერ სიტისთან” თავდამსხმელ სტევან იოვეტიჩთან დაკავშირებით მოლაპარაკებას აწარმოებს. გავრცელებული ინფორმაციით, მხარეებს შორის შეხვედრა გუშინ შედგა.
25 წლის მონტენეგროელ ფეხბურთელს ინგლისურ კლუბში ცოტა სათამაშო დრო ეძლევა. თავად იოვეტიჩი იტალიაში დაბრუნების წინააღმდეგი არ არის. შეგახსენებთ, რომ ის “მანჩესტერ სიტიმდე” “ფიორენტინას” ღირსებას იცავდა.
ინგლისის პრემიერლიგის მიმდინარე გათამაშებასი სტევან იოვეტიჩმა 17 მატჩი ჩაატარა, ხუთი გოლი გაიტანა და სამი საგოლე გადაცემა გააკეთა.
